Ativiteies de educazion y furmazion per l grup linguistich ladin

N sorvisc dl'aministraziun provinziala de Südtirol

Descriziun generala

   

Chëstes ativités pó gní sostignides:

a) convëgns y congresc scientifics de carater formatif che se dá jö dantadöt cun argomënc de interes por la Provinzia;
b) ativités y manifestaziuns de carater formatif;
c) cursc, manifestaziuns didatiches y iadi de stüde;
d) cumpra de materiai y mesi ausiliars didatics por la realisaziun de ativités formatives.

Les domandes pó gní ortiades da
a) ënc;
b) fondaziuns;
c) cooperatives;
d) assoziaziuns, cun lapró ince les federaziuns;
e) comités.


2. Les organisaziuns mëss:
a) ester zënza fin de davagn;
b) fá n'ativité cun continuité da almanco dui agn tla provinzia de Balsan;
c) avëi danter i fins de so statut l'ademplimënt de ativités de carater formatif;
d) avëi na strotöra d'organisaziun adatada;
e) eserzité süa ativité tl respet dl statut y aladô di prinzips de economizité y trasparënza dla gestiun
economich-finanziara.

1. Ales domandes de contribut ordinar y ales domandes de contribut por proiec él da injunté chësta documentaziun:
a) program d'ativité por l'ann de referimënt o descriziun dl proiet, cun indicaziun di fins, di destinatars, dl post y dl tëmp de realisaziun, dles porsones trates ite, di partner de cooperaziun, di mesi de comunicaziun y dl numer sciazé de che che tol pert;
b) preventif dles spëises detaié;
c) plann de finanziamënt, cun indicaziun prezisa di mesi finanziars preodüs tl articul 6;
d) cronoprogram dles ativités.


2. Ales domandes de contribut integratif él da injunté chësta documentaziun:
a) relaziun d'acompagnamënt, cun indicaziun dles rajuns che motivëia le bojëgn o l'ütl de n contribut integratif;
b) preventif dles spëises nü;
c) plann de finanziamënt nü, cun indicaziun prezisa di mesi finanziars preodüs tl articul 6;
d) cronoprogram dles ativités.


3. Sce al é le pröm iade che al vëgn fat domanda él da presenté ince na copia dl at costitutif y dl statut.Mudaziuns eventuales dl at costitutif y dl statut mëss ti gní comunicades al ofize competënt.

Ve perion bel de mëter leprò na marca da bol da 16,00 € (cun ezezion dla lies ONLUS y di ënc publics).

Acioche l contribut vënie paià ora vala de dé ju la documentazion che vën do:

  1. la domanda de licuidazion dl contribut
  2. na lista de duta la contes che vën dates ju firmeda dal presidënt dla lia(doi copies);
  3. contes almanco tla mesura dl contribut cunzedù

La contes urigineles muessa unì dates ju tl medemo orden sciche sun lista. La contes urigineles Ve unirà mandedes de reviers do che l contribut ie unì paià ora.

Duta la contes muessa:

  • vester adressedes ala lia a chëla che ti ie unit cunzedù l contribut;
  • vester paiedes (sce la ne va nia de prejenté na zertificazion dla banca, muessa sun la conta vester l stempl dla dita, la sotscrizion dl reprejentant leghel dla dita, la scrita “paià” y la data dl paiamënt);
  • se referì al fin, per chël che ie unì cunzedù l contribut. La contes dates ju muessa curespuender ala spëises ududes dant tl preventif che ie unit dat ju cun la dumanda;
  • vester scrites ora sciche udù dant dala desposizions fischeles per cie che reverda la chëuta, la detrazion fischela, la chëuta de bol, l codesc fischel y i.i... .

Sce l contribut Ve ie unit cunzedù per la realisazion de na publicazion na CD o na DVD, Ve perions bel de dé ju cin ejemplars al Ufize Cultura ladina.

(Sorvisc actualisá ai: 22/02/2019)

Ënt competënt

Ofize Aministraziun dla scora
Str. Binder/Bottai 29, 39100 Balsan
Telefono: 0471 41 70 10
E-mail: Ladinische-Kultur@provinz.bz.it
PEC: culturayintendenzaladina@pec.prov.bz.it
Website: http://www.provinz.bz.it/formaziun-lingac/scora-ladina/de/default.asp

Orar por la jënt:

Lunesc, merdi, mierculdi, vënderdi: 9.00 - 12.00
Juebia: 8.30 - 13.00, 14.00 - 18.00

Terminns

a) domandes de contribut ordinar: cina ai 31 de jená dl ann de referimënt;
b) domandes de contribut por proiec: cina ai 31 de jená dl ann de referimënt. Sce al é debojëgn pó les domandes ince gní presentades tratan l'ann;
c) domandes de contribut integratif: tratan l'ann de referimënt.