Stipendiums por mirić particolars por studëntes y i studënć universitars

N sorvisc dl'aministraziun provinziala de Südtirol

Descriziun generala

I stipendiums por mirić particolars ne toca nia propi pro le dërt da studié; ai vëgn ma surandà sön la basa dl mirit, indipendentemënter dales condiziuns economiches.

Tolon en conscidraziun i sistems de valutaziun desvalis vëgnel scrit fora dui concursc, un por la Talia y un por l’èster. Sciöche al é bele sozedü l’ann passè vëgn le contingënt complessif de 330 stipendiums por mirić particolars partì sö en proporziun al numer dles studëntes y ai studënć dl Südtirol: 935 stipendiums por mirić particolars é resservà a studëntes y studënć che frecuentëia l’université tla provinzia de Balsan, 54 a studëntes y studënć che frecuentëia l’université tla Talia – defora dla provinzia de Balsan, y 183 a studëntes y studënć che frecuentëia l’université al éster.

L’85% di stipendiums por mirić particolars é implü partis sö te ćiamps de stüde desvalis, deperpo che le 15% di stipendiums vëgn conzedü tres na gradatöra generala.

I 4 ćiamps de stüde é:

  • le ćiamp umanistich;
  • le ćiamp sozio-iuridich;
  • le ćiamp scientifich y tecnich;
  • le ćiamp sanitar.

La repartiziun dles tlasses de laurea ti ćiamps de stüde desvalis y le numer avisa di stipendiums por mirić particolars por vigni ćiamp de stüde y por la gradatöra generala ciàfon tles bandides de concurs.

Do avëi azertè les condiziuns por l’assegnaziun di stipendiums por mirić particolars vëgnel arjigné chinesc gradatöres aladô dl mirit de stüde arjunt.

Al po fà domanda les studëntes y i studënć tla Talia, sce:

  1. ares/ai é scrić ite te n'université o na scora alta profescionala tla provinzia de Balsan y
    • é zitadines/zitadins dl’Uniun Europeica o zitadines extracomunitares/zitadins extracomunitars cun l’autorisaziun de sojornanza CE por sojornanzes lunges tla Talia y zitadines/zitadins che à ciafè le reconescimënt de profuga o profugh o de proteziun sussidiara aladô dla diretiva comunitara 2004/83/CE, y che vëgn porchël ecuiparà ales zitadines talianes/ai zitadins talians;
    • é zitadines extracomunitares/zitadins extracomunitars y à la residënza da altamo n ann zënza interuziun tla provinzia de Balsan;
  2. ares/ai é scrić ite te n'université o na scora alta profescionala tla Talia, defora dla provinzia de Balsan y
    • é zitadines/zitadins dl’Uniun Europeica o zitadines extracomunitares/zitadins extracomunitars cun l’autorisaziun de sojornanza CE por sojornanzes lunges tla Talia y zitadines/zitadins che à ciafè le reconescimënt de profuga o profugh o de proteziun sussidiara aladô dla diretiva comunitara 2004/83/CE, y che vëgn porchël ecuiparà ales zitadines talianes/ai zitadins talians y à la residënza da altamo dui agn zënza interuziun tla provinzia de Balsan;
    • é zitadines extracomunitares/zitadins extracomunitars y à la residënza (da altamo cin agn)* tla provinzia de Balsan.
  3. canche al vëgn dè jö la domanda:
    • n’àres/ài nia complì 35 agn y fej domanda cun le mirit de stüde de n curs de laurea o de n curs de stüde ecuiparè;
    • n’àres/ài nia cumplì 40 agn y fej domanda cun le mirit de stüde de n master universitar o de n curs de laurea che döra altamo cater agn.
  4. ares/ai n’à nia superè, de passa n ann, la dorada legala dl curs de stüde;
  5. ares/ai à arjunt tl ann academich 2015/2016 le mirit de stüde damanè de altamo 40 ECTS y na mesaria minimala dles notes* anfat a 27/30 o a na nota finala dl curs de laurea de altamo 103/110;
  6. ares/ai à n cunt corënt bancar o postal.

Al po fà domanda les studëntes/i studënć che frecuentëia n'université o na scora alta profescionala defora decà, sce ares/ai

  1. zitadines
    • é zitadines/zitadins dl’Uniun Europeica o zitadines extracomunitares/zitadins extracomunitars cun l’autorisaziun de sojornanza CE por sojornanzes lunges tla Talia y zitadines/zitadins che à ciafè le reconescimënt de profuga o profugh o de proteziun sussidiara aladô dla diretiva comunitara 2004/83/CE, y che vëgn porchël ecuiparà ales zitadines talianes/ai zitadins talians y à la residënza da altamo dui agn zënza interuziun tla provinzia de Balsan;
    • é zitadines extracomunitares/zitadins extracomunitars y à la residënza (da altamo cin agn)* tla provinzia de Balsan.
  2. canche ares/ai dà jö la domanda:
    • n’àres/ài nia complì 35 agn y fej domanda cun le mirit de stüde de n curs de laurea o de n curs de stüde ecuiparè;
    • n’àres/ài nia cumplì 40 agn y fej domanda cun le merit de stüde de n master o de n curs de diploma, de lernerat o de n curs de stüde ecuiparè a chisc dla dorada legala de altamo cater agn;
  3. n’àres/ài nia superè de passa n ann la dorada legala dl curs de stüde;
  4. tl ann academich 2015/2016 àres/ài arjunt le mirit de stüde damanè de altamo 40 ECTS y na mesaria minimala dles notes* anfat a 1,5 o na nota totala dl curs de laurea de altamo 1,5;
  5. àres/ài n cunt corënt bancar o postal.

* La Curt Costituzionala à detlarè cun sentënza n. 2 di 14 de jenà dl 2013 les parores „da cin agn“ dla l.p. 9/2004, dl art. 2, coma 1, lëtra e) cuntra la lege.

** La mesaria dles notes vëgn calcolada sciöche mesaria ponderada aladô dles notes y di ECTS de vigni ejam dà dant dala studënta/dal studënt tla domanda online, mo ara/al ne mëss nia dè dant düć i ejams fać (por i detais ćiarede la bandida de concurs, art. 2 coma 7 y 8).

Por scrì fora sciöche al alda la domanda val debojëgn da lì avisa la bandida de concurs. La porsona che fej domanda dà jö i dać sot süa responsabilité, porchël renunziëia l'aministraziun provinziala tla maiù pert di caji ala presentaziun di documënć, mo fej controi a caje por odëi sce al é gnü fat detlaraziuns falzes.

Ara va ma da ortié inant la domanda tres le sorvisc e-government online (da aurì dl 2017 inant).

Por ti rové pormez al sorvisc e-government vëgn l’identificaziun dles studëntes/di studënć fata, tresla cherta di sorvisc provinziala. Por de plü informaziuns sön la cherta di sorvisc provinziala, l'ativaziun y l'adoranza, pon cherdè sö le numer vërt 800 816 836 o ćiarè sön le sit http://www.provinz.bz.it/buergerkarte.

Sce les studëntes/i studënć à bele n account personal metü adöm dal inom utënt y dala password, relascè dal Ofize por la promoziun dl stüde universitar pon adorè inant le medemo account. Les studëntes/I studënć che n’à nia la cherta di sorvisc provinziala à la poscibilité da damanè do n account zertifiché pro l'Ofize por la promoziun dl stüde universitar. Por informaziuns detaiades podëise cherdè sö le numer 0471/412934/412946  dl Ofize por la promoziun dl stüde universitar.

L’anuzaziun de chësc sorvisc é debann.

I stipendiums por mirić particolars é de 1.160,00 euro l’un. Ajache al ne sarà nia plü poscibl da paié fora stipendiums por mirić particolars tres l’assëgn zircolar mëss les studëntes y i studënć avëi n so cunt corënt bancar o postal. Sce ara n’é nia insciö dess les porsones che fej domanda daurì atira n cunt corënt.

I stipendiums por mirić particolars po gnì acumulà cun d’atres previdënzes (por ej. cun i stipendiums).

FAQ

Clichede chilò por ti rové pormez ales domandes y respostes che vëgn dant sovënz sön i stipendiums y les premies por mirić particolars!

(Sorvisc actualisá ai: 24/07/2017)

Ënt competënt

40.3. Ufize per la promozion dl stude universiter
palazzo 7, via Andreas Hofer 18, 39100 Balsan
Telefonn: 0471 41 29 34 Karin Sega
0471 41 29 46 Zäzilia Sellemond
Fax: 0471 41 29 49
PEC: hochschulfoerderung.dirittostudiouni@pec.prov.bz.it
Plata internet: http://www.provincia.bz.it/diritto-allo-studio/

Orar por la jënt:

Lönesc, mertesc, mercui, vendres: 9.00 - 12.00
Jöbia: 8.30 - 13.00, 14.00 - 17.3

Terminns

Um die Leistungsstipendien - akademisches Jahr 2016/2017 - kann ab Anfang April 2017 angesucht werden. Endtermin ist der 4. Mai 2017!