Assëgn por la familia provinzial

N sorvisc dl'aministraziun provinziala de Südtirol

Descriziun generala

L'assëgn por la familia dla Provinzia é preodü por la cura y l'assistënza di mituns cina le terzo ann de vita (alplü 36 mëisc). Pro n’adoziun o n afidamënt pëia ia i trëi agn de dërt al assëgn dala data dl provedimënt de adoziun o de afidamënt.

Residënza:

  • 5 agn de residënza, zënza interuziun, tla provinzia de Balsan denanco dé jö la domanda o na residënza storica anagrafica de almanco 15 agn, de chisc altamo un n ann zënza interuziun denanco dé jö la domanda. Implü pól gní presenté ince vigni ater documënt da chël che al resultëia la sojornanza permanënta por almanco 5 agn tla provinzia de Balsan.
  • Zitadins/Zitadines de n ater paisc dl'UE che n'á nia la residënza: te chësc caje mëssel gní desmostré d'avëi n raport de laur tla provinzia de Balsan.

Mituns:  

  • Cina la fin dl 3. ann de vita mëss le möt vire adöm cun le genitur o cun i geniturs che l'á en afidamënt. Chësc mëss resulté dal zertificat de familia dla porsona che presentëia la domanda.

Situaziun economica:  

  • Davagn y patrimone dla familia (anfat de tanc che ai é) ne pó nia jí sura 80.000,00 euro fora. 

Les condiziuns economiches dla familia vëgn valutades sön la basa dla detlaraziun unificada dl davagn y dl patrimone (DUDP).

Sce i dëis jö la domanda por ciafé l’assëgn provinzial por i mituns adorëise dal 1° de messé dl 2018 la detlaraziun DURP 2017. Por dé jö la DUDP podëise s'anuzé di zëntri de assistënza fiscala (CAAF) y/o di patronac dla provinzia che pîta chësc sorvisc o ince adoré le sorvisc online eGov.

I sorvisc pità dai patronac y dai zëntri de assistënza fiscala é debann.

Tan alt é pa l'assëgn por la familia?

La soma é de incër 200,00 € al mëis por vigni möt.

Can gnaràl pa paié fora l'assëgn?

I paiamënc gnarà fac en rates vigni mëis che vëgn do. Insciö p.ej. gnarà la rata de jenà paiada fora ala fin dl mëis de forà.

Co gnaràl pa paié fora l'assëgn?

Le contribut gnarà paié fora sön le cunt bancar dè dant o sce chësc n'é nia vëgnel paié fora tres assëgn bancar da incassè te 2 mëisc pro na portina dla Cassa dl Sparagn (tesorier dla Provinzia).

Metede averda: aladô dl art. 12, c. 2 dl D.L. di 6 de dezëmber dl 2011, n. 201 "Desposiziuns de prëscia por la chersciüda, la iustizia y le consolidamënt dles finanzes publiches", ne vara nia plü da paié fora cun assëgn bancar somes de o passa 1.000,00 euro Düc i compënsc de passa 1.000,00 euro messarà gnì paià fora sön cunc corënc bancars o postai.

(Sorvisc actualisá ai: 12/10/2018)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefonn: 0471 41 83 14 Barbara Kaufmann
0471 41 83 09 Davide Giabardo
0471 41 83 03 Paola Faoro
Fax: 0471 41 83 25
E-mail: aswe.asse@provinz.bz.it
PEC: aswe.asse@pec.prov.bz.it
Plata internet: http://www.provinz.bz.it/aswe

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda pó gní presentada dal momënt che la porsona che fej domanda á düc i recuisic. Tl tëmp de n ann dala nasciüda o dal'adoziun/afidamënt dl möt (data dl provedimënt d'adoziun/afidamënt) vëgn les rates mensiles paiades fora a na moda retroativa pian ia dal mëis do la nasciüda /adoziun o dal arjunjimënt dles condiziuns d'azes. Sce an se jöma ia le terminn vëgn l'assëgn por la familia impormó paié fora dal mëis do che an á presenté la domanda.  

Les domandes de assëgn provinzial ará na validité de trëi agn.  

Por vigni nasciüda, adoziun o afidamënt mësson dé jö na domanda nöia. 

PRESENTAZIUN DLA DOMANDA

La domanda mëss gní dada jö pro n patronat o tres le sorvisc online eGov.