Contribut por l’inserimënt tl laur Plus+35

N sorvisc dl'aministraziun provinziala de Südtirol

Descriziun generala

I ënc publics (i Comuns, les Comunités comprensoriales, les Aziëndes publiches por i sorvisc de assistënza y de cura, i Consorc di comuns y l' Aziënda Sanitara dl Südtirol) che oress tó sö na porsona cun handicap tl cheder dla cuota obligatoria – o defora - aladô dla lege n. 68 di 12 de merz dl 1999, pó fá domanda de n contribut por l’assunziun de na porsona cun n gran handicap pro l’Ofize Porsones cun handicap.

Le contribut vëgn paié fora vigni ann te na rata unica, do che al é gnü presenté le decunt dles spëises.

Al finanziamënt vëgnel ametü les spëises por l’assunziun de na porsona cun handicap che á chisc recuisic:

  • ara é scrita ite tles listes dl'intermediaziun de laur mirada;

  • ara á le zertificat dé fora dala comisciun sanitara odüda danfora dala Lege 104/92 por i fins preodüs dala lege di 12 de merz dl 1999, n. 68, te chël che al vëgn dé pro n’assunziun dla porsona cun handicap;

  • ara á n’invalidité zivila fisica reconesciüda sura le 74% fora, o n'invalidité psichica y cognitiva, bel anfat cara che é la porcentuala de invalidité zivila;

  • ara á tut pert a n proiet de inserimënt tl laur che pó gní documenté;

  • ara á i recuisic generai preodüs por ti podëi pormez al sorvisc publich.

  • La domanda de contribut, sotescrita dal rapresentant legal dl ënt, mëss gní fata sön le formular aposta y al mëss gní metü lapró les injuntes A y B.

  • Le decunt, sotescrit dal rapresentant legal dl ënt, mëss gní metü jö sön le formular aposta y al mëss gní injunté la tabela de suravijiun che sintetisëia les spëises efetivamënter albüdes, le schema dl davagn anual y na copia dl contrat de laur (ma sce ara se trata de contrac nüs o a tëmp determiné o sce al é mudaziuns dl orar de laur).

La domanda de contribut é debann.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 24/01/2019)

Ënt competënt

Ofize Porsones cun handicap
Palazzo 12, via Canonico Michael Gamper 1, 39100 Balsan
Telefono: 0471 41 82 79 Verena Egger
Fax: 0471 41 82 99
E-mail: menschen.behinderungen@provinz.bz.it
PEC: disabilita.behinderung@pec.prov.bz.it
Website: http://www.provinz.bz.it/sozialwesen

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda de contribut pó gní presentada vigni ann cina ai 28 de forá, 31 de ma y 30 de setëmber.

Le decunt é da dé jö cina ai 31 de merz dl ann do.