Europass Curriculum Vitae

N sorvisc dl'aministraziun provinziala de Südtirol

Descriziun generala

L’Europass Curriculum Vitae pîta na strotöra europeica unitara, che vëgn capida y adorada te düć i stać mëmbri dla Uniun Europeica, ti stać EFTA/REE y ti paîsc candidać. Al ti dà la poscibilité ai zitadins, de podëi mostrè sö y presentè plü saurì sües cualificaziuns y sües competënzes te döta l’Europa.

L’Europass Curriculum Vitae é n model por na rapresentaziun sistematica, cronologica y flessibla de cualificaziuns y competënzes. Al contëgn informaziuns sön la porsona, sües conescënzes linguistiches, esperiënzes de laûr sciöche inće le livel d’educaziun y de formaziun. Implü ti làscel inće lerch a indicaziuns de competënzes surafora, sciöche por ejëmpl capazitês de natöra tecnica, organisativa, artistica o soziala.

Le formular por l’Europass Curriculum Vitae po gnì implì fora sciöche download o online. Al é dër avisa, porimpò ti spétel a vignun da tó instës la dezijiun de ći ćiamps che al ô scrì fora. I ćiamps che ne vëgn nia scrić fora po gnì eliminà.

Cedefop coordinëia le proiet Euro-CV. Sön la plata internet él da ciafè tröc ejëmpli y indicaziuns sön co scrì fora n curriculum vitae.

(Sorvisc actualisá ai: 30/04/2015)

Ënt competënt

Ofize Sorvisc laur
Palazzo 12, via Canonico Michael Gamper 1, 39100 Balsan
Telefono: 0471 41 86 00
0471 41 86 01
E-mail: as@provinz.bz.it
PEC: as.sl@pec.prov.bz.it
Website: http://www.provinz.bz.it/arbeit

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30