Apajamënt por chestiuns de responsabilité tl ciamp sanitar

N sorvisc dl'aministraziun provinziala de Südtirol

Descriziun generala

La Comisciun d’apajamënt é n organ independënt y imparzial de prozedöra d'apajamënt fora dl tribunal. Ara se dá jö cun i caji olache i dagns ala sanité é gnüs gaujá bonamënter da n fal tla diagnosa, tla terapia o ajache al n'é nia gnü dé informaziuns o assá informaziuns.

La comisciun d'apajamënt pó Ves daidé ciaré da ciafé n'acordanza sön le rembursamënt dl dann da paié eventualmënter.

La Comisciun d’apajamënt se crüzia ince de caji de responsabilité che depënn da mancianzes organisatives tl cheder dl’ativité diagnostich-terapeutica (por ejëmpl infeziuns nosocomiales).

Chëstes porsones o strotöres pó jí dala Comisciun d’apajamënt por chestiuns de responsabilité tl ciamp sanitar:

  1. paziënc/paziëntes o suzessurs legai/suzessuries legales;
  2. porsones che eserzitëia na profesciun sanitara tl Südtirol;
  3. strotöres sanitares publiches o privates cun la sënta tl Südtirol.

I operadus sanitars y les strotöres sanitares publiches o privates po orëi s’adressé ala Comisciun d’apajamënt, canche al podess ester n vantaje da s’anuzé de n sorvisc independënt y imparzial tl ciamp dl apajamënt, por chirí na soluziun defora dal tribunal tl caje de stritaries che reverda la responsabilité sanitara profescionala.

La prozedöra dan la comisciun de pêsc döra manco dî co chëra dan le tribunal. La dorada depënn dala complessité dl caje. Sce al n’é nia debojëgn de n arat da pert de n espert sanitar estern, döra la prozedöra alplü 6 mëisc. Sce le caje é plü complès y sce al vëgn consulté esperć esterns, döra la prozedöra alplü 12 mëisc.

De plü informaziuns ciafëise tla brosciüra d'informaziun injuntada.

  • La domanda d’apajamënt mëss avëi sciöche oget n fal tla diagnosa, tla terapia o la mancianza de informaziuns o la mancianza de assá informaziuns;
  • le paziënt/la paziënta mëss avëi cumplí 18 agn y avëi i recuisic por podëi fá avarëi sües ghiranzes. I paziënc y les paziëntes che n’á nia 18 agn o n’é nia bugn da capí y orëi, mëss gní rapresentá y assistis aladô dla lege;
  • sce le paziënt/la paziënta é bele mort/morta mëss le suzessur legal/la suzessuria legala s’adressé a n mandatar/na mandatara y porvé le dërt d’arpejun;
  • la domanda reverda de regola un o de plü porsones che eserzitëia na profesciun sanitara; chëstes porsones è da dé dant tla domanda;
  • a diagnosa o la terapia mëss ester gnüda pitada tl Südtirol, al é anfat sce dal sorvisc sanitar publich o da pitadus de prestaziuns sanitares privac;
  • an ne pó nia bele avëi fat avarëi la ghiranza dan signoria;
  • le dërt de ghiranza ne pó nia ester tomé.

La documentaziun da dé jö é metüda adöm da altamo:

  1. la documentaziun clinica d’öga, ince sön portadac, tl ordin cronologich;
  2. la proa dl dann patrimonial eventual;
  3. l’autorisaziun de rapresentaziun eventuala;
  4. la proa dl dërt de arpejun eventuala.

 

I cosć por chësc sorvisc é de 16,00 € (martl da bol).

La prozedöra dan la Comisciun d'apajamënt é debann por les perts, ince ajache ara ne vá nia debojëgn de n consulënt tecnich o na consulënta tecnica.

Vigni pert paia eventualmënter les spëises de so consulënt tecnich/süa consulënta tecnica.

Comisicun d'apajamënt por chestiuns de responsabilité tl ciamp sanitar: Art. 4/bis dla l.p. 5.3.2001, n. 7 y mudaziuns suandëntes.                                                   

Normes d'atuaziun: Decret dl Presidënt dla Provinzia di 18 de jená dl 2007, n. 11

La prozedöra dan la Comisciun d'apajamënt por chestiuns de responsabilité tl ciamp sanitar dla Provinzia Autonoma de Balsan é n apajamënt facoltatif.

Les perts pó se lascé rapresenté o sostigní da na porsona de crëta tla prozedöra dan la Comisciun d'apajamënt. I paziënc pó se lascé rapresenté o sostigní dala Defenüda zivica tla prozedöra  d'apajamënt, sce al reverda na strotöra sanitara publica.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 15/05/2020)

Ënt competënt

23. Sanité
Palazzo 12, via Canonico Michael Gamper 1, 39100 Balsan
Telefono: 0471 41 80 27
0471 41 80 21
E-mail: arzthaftung@provinz.bz.it
PEC: gesundheit.salute@pec.prov.bz.it
Website: http://www.provinzia.bz.it/

Orar por la jënt:

Lunes y vëndres: dales 09.00 ales 12.00 y dales 14.30 ales 16.30 do avëi fat fora n terminn.

Terminns

La domanda mëss gní dada jö denant che al tomes le termin de prescriziun (5 respetivamënter 10 agn).