Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

La manifestaziun de formaziun é gnüda daurida dal grup F8 da Viena che à portè dant na performance interativa dal inom „Las Gaffas!“. (Foto: Claudia Corrent)

Dé di museums dl Südtirol: Le 2015 é dediché ai jogn

Söporjö 100 esperć y colaboradus di musems dl Südtirol s’à incuntè incö, lönesc ai 2 de merz tl Museion da Balsan por la nona incuntada anuala tl contest dl Dé di Museums dl Südtirol. Le tema prinzipal dl’incuntada é stè „Young & Museum“, la vijiun che fajarà da cornisc por döt l’ann tematich.

(D.m.c.) L’architët Benedikter, le diretur dla SMG Pappalardo, le presidënt Kompatscher y le diretur dla EOS Prast à presentè incö le conzet dl stand südtirolej al Expo a Milan (Foto: Ciamena dl Comerz/Obexer)

Vire le Südtirol al Expo 2015: Presentaziun de stand y conzet

Al pröm de mà metarà man l’Expo 2015 a Milan. Le Südtirol se presentarà te chësta ocajiun cun n stand a pert. „Le moto universal dla manifestaziun è ’Nudrì la tera, energia por la vita’ che se coliëia inće dër bun cun le Südtirol. Cun nosta presënza orunse ti pité ai vijitadus n’odlada reala ala manira de vire südtiroleja“, insciö le presidënt Kompatscher incö ala presentaziun dl stand südtirolej.

Cina la fin de merz pon se scrì ite por l’ann 2015/16 dles scores de musiga y por les edemes da d’isté 2015.

Scores de musiga: Iscriziuns por l’ann de scora 2015/16 ćina ai 31/03

Ćina la fin de merz pon se scrì ite por l’ann 2015/16 dles scores de musiga y por les edemes da d’isté 2015. Les iscriziuns por les scores de musiga dla Val Badia y de Gherdëna mëss gnì dades jö tles döes direziuns cun sënta a La Ila y a Urtijëi.

L’Ofize Parcs naturai organisëia ince por chësc ann indô, adöm ales Lies da munt dl AVS y le CAI Südtirol, le proiet „Junior Ranger Südtirol" por mituns y mitans dai 10 ai 11 agn.

I parcs naturai chîr junior ranger

Inće chësc ann arà i mituns y les mitans danter i 10 y i 11 agn la poscibilité da tò pert a dui cursc (un por talian y l’ater por todësch) de „Junior ranger di parcs natuari“, na scomenciadia che „à l’obietif da informè i mituns sön plü temesc che reverda la natöra y sön le dërt comportamënt da tignì sön les munts y ti bosć“, insciö l’assessur por l’ambiënt Richard Theiner.

Cun na spersa de 439 mc de panì solars por mile abitanc’ à le Südtirol n raport cinch iadi tan alt co le valur mesan europeich. (Foto: USP)

Regiuns ecosostenibles: Südtirol y Trentin é al pröm post

Le Südtirol y le Trentin confermëia sües posiziuns ai pröms posć sciöche les regiuns plü „vërdes“ dla Talia: chësc é le resultat dles valutaziuns sön la green economy dl 2014 publicades da püch. „La planificaziun detaiada dl Südtirol cun le plann tlima 2050 porta bele śëgn sü früć“, sotlignëia l’assessur por l’ambiënt y l’energia Richard Theiner.

I rapresentanc’ dles istituziuns en vijita (ai 26/02) adöm  cun les mitans, i mituns y les maestres dla scolina da La Ila.

Plurilinguism, intlujiun y lidëza: Vijita dles scolines dla Val Badia

Odëi sciöche al vëgn laurè söl post, analisé le svilup dl insegnamënt tles scolines y constatè la complessité dl laûr dles maestres aldedaincö:chisc é stà i punć prinzipai dla vijita da inier (26/02) dl assessur Florian Mussner, dl intendënt Roland Verra, dl’ispeturia Edith Ploner, dla direturia Hannelore Insam y dla responsabla por l’intlujiun Carla Comploi a n valgönes scolines dla Val Badia.

Dé dles ëres, ai 6 de merz saràl la conferënza stampa

La reuniun coletiva di Consëis dles ëres dl Südtirol y dl Tirol y les scomenciadies dla Comisciun por l’avalianza dles oportunitês: chisc sarà i temesc zentrai che gnarà presentà dal’assessuria Martha Stocker le proscim vëndres (ai 6 de merz) en ocajiun dl dé internazional dles ëres che vëgn festejé ai 08 de merz.

Pröma sentada di rapresentanć di scolars dl‘Euregio ai 09/03

En lönesc, ai 09/03 s’incunta i rapresentanć dles scolares y di scolars dl‘Euregio por presentè deboriada sües ghiranzes, danterater sön „l’educaziun politica“, la mobilité y i sistems de valutaziun y por se baratè fora cun le rapresentant di scolars federal austriach Lukas Faymann. Do la sentada plenara danmisdé él preodü na conferënza stampa dales 14.30.

N canun dala nëi amesa a n prè vërt: n’imaja che an à odü gonot chësc invern. (Foto: USP)

Meteo: forà süt, n invern danter i plü ćiöbi dla storia, 21 degrà a Laces

Cun indoman (28 de forà) se röia l’invern meteorologich, tl Südtirol él le terzo plü ćiöbe dal ann 1850 cun na temperatöra mesana de 2 degrà sura le valur de de plü agn. Le bilanz dl Sorvisc Meteo dla Provinzia à segnalè che a Balsan é la temperatöra mesana stada de 4,4 degrà. Le dé plü ćialt cun la temperatöra plü alta (+21°) é gnü mosoré a Laces tla Val Venosta.

L’assessuria por les politiches soziales Martha Stocker, le presidënt dl IPL Toni Serafini y le diretur dl IPL Stefan Perini à presentè incö i resultac sön la situaziun dl welfare tla Talia. (Foto:USP)

Stocker: presentaziun dl stüde IPL sön le welfare tla Talia

Incö, mercui ai 25 de forà, él gnü presentè dal Istitut por la promoziun di lauranć (IPL) a Balsan n stüde sön i sistems desfarënć de welfare ti stać europeics en presënza dl presidënt dl Istitut Toni Serafini y dl’assessuria provinziala por le welfare Martha Stocker.

L’ "ITE – WFO – Sport Raetia“ mët da jì le Dé dla porta daverta n dedolönesc ai 03 de merz

Porta daverta tles scores altes ladines: ITE ai 03/03 y Cademia ai 06/03

Por daidé i scolars y les scolares dla scora mesana da to la dezijiun sön ći scora alta chirì fora vëgnel organisé plü dis dla "porta daverta" y manifestaziuns d’informaziun te döt Südtirol: ai 03 de merz él sön le program le Dé dla porta daverta tl „ITE – WFO – Sport Raetia“ a Urtijëi y ai 06 de merz tla Scora d’Ert „Cademia“ y scora profescionala por l’artejanat artistich.

La mostra „Les ëres y le laûr“ vëgn daurida en lönesc, ai 2 de merz (dé dl’ëra) dales 19 tl foyer dla sënta dl’Aministraziun dla citè da Balsan.

Les ëres y le laûr: Mostra fotografica dai 2 de merz inant

Do che le laûr dles ëres ê stè por secui chël dles paures, s’àl daurì por vëres tl 20ejimo secul plü poscibilitês de laûr. Na suraodüda dl svilup tl monn dl laûr dles ëres tla perioda dal 1930 al 1970 y i mudamënć che taca laprò vëgn pitada dala mostra fotografica „Les ëres y le laûr“ che gnarà daurida ai 2 de merz a Balsan.

Dala Junta: Plü segurëza por i implanć d’anuzamënt dles eghes publiches

N aumënt sostanzial y na maiù afidabilité di implanć d’anuzamënt dles eghes publiches gnarà garantis por merit dles desposiziuns de segurëza nöies aprovades incö ( 24 de forà) dala Junta provinziala.

Internet aslöm: la Junta à aprovè 9 miliuns por le program dl 2015

Internet aslöm, 9 miliuns por le program dl 2015

Al à na soma de prësc 9 miliuns de euro le finanziamënt por le program dl 2015 por l’internet aslöm aprovè incö (24 de forà) dala Junta provinziala. „Ćina la fin dl ann – sotlignëia le presidënt Kompatscher – rovarà la fira otica te düć i comuns y insciö podaral mët man le svilup dl coliamënt d’azès final ai utënć.“

Le rendering dl Parch tecnologich che gnarà realisé a Balsan.

Parch tecnologich, TIS y Fraunhofer: plü inovaziun por le Südtirol

Inovaziun y inrescida é stà danter i argomënć prinzipai dla sentada da incö (24/02) dla junta provinziala. L’esecutif cun a će Arno Kompatscher à aprovè les mudaziuns dl plann volumetrich dl Parch tecnologich y les convenziuns anuales cun le TIS y l’Istitut Fraunhofer.

Inant ala news dl Servisc stampa dla Provinzia Autonoma de Bulsan »