Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

SüdtirolToGo: L’app dla mobilité da sëgn ince por ladin

Südtirol ToGo: L’app dla mobilité da śëgn inće por ladin

L’app SüdtirolToGo pîta na poscibilité d’informaziun pratica y asvelta sön i orars y i coliamënć dl trasport publich tl Südtirol. Te na manira scëmpla pon insciö chirì sön le fonin les informaziuns sön i orars, i tëmps de speta, les trasses y i coliamënć dejidrà: l’app „SüdtirolToGo“ é da püch gnüda ajornada cun les verjiuns ladines de Gherdëina y dla Val Badia.

Na foto cun öna dles sis cabinovies nöies: la cabinovia da sis posc’ "Tschein" tl raiun da jì cui schi dl Karerpass

Sis implanć portamunt nüs, 60 miliuns d’investimënć

Indöt él sis implanć portamunt nüs cun n investimënt de 60 miliuns de euro: l’Ofize Implanć portamunt dla Provinzia à fat n bilanz dl ann 2014 y à costatè cun sodesfaziun che dötes les furnadoies é gnüdes realisades en tëmp por le mëteman dla sajun da d’invern.

Anuzadus dles ferates locales: 932mile timbradöres é gnüdes registrades te otober

Anuzadus dles ferates: timbradöres record por le 2014, 932mile te otober

Sön les trasses dla ferata locala él gnü registré d’otober indöt 932.682 timbradöres. „Al é le valur de timbradöres plü alt che é gnü registré da tres te un n mëis tl Südtirol, y al é la testimonianza che l’oferta ampla de ferates locales vëgn anuzada tres de plü dai utënć“, sotlignëia l’assessur por la mobilité Florian Mussner.

Giorgio Gottardi, Richard Theiner y Virna Bussadori à presentè inier le plann nü por les pistes da schi

Plann nü dles pistes da schi, Theiner: „Plü cualité por le setur“

Le plann de setur nü por i implanć portamunt y por les pistes da schi é gnü presentè inier (17 de dezëmber) dal assessur competënt Richard Theiner: la Provinzia à svilupé n plann de dorada lungia che à sciöche obietifs le sparagn de ressures, la scemplificaziun dla burocrazia, la sconanza dl ambiënt y dantadöt n aumënt dla cualité tl setur da jì cun i schi.

Ferata dla Val Venosta, acordanza cun Terna y fujiun SEL-AEW

Na seria de carateristiches tecniches dl proiet che reverda l’eletrificaziun dla linia dla ferata dla Val Venosta é gnüdes aprovades incö (16/12) dala Junta provinziala che ti à dè l’inćiaria por la planificaziun dl proiet ala STA y a Südtirol Finance y che prevëiga n investimënt de 56 miliuns de euro. Implü él gnü aprovè n’acordanza cun le gestur dla rëi dla forza eletrica nazionala Terna.

Dala junta: de merz diretives nöies sön i apalć

Les diretives nöies sön i apalć de fornidöres, sorvisc y operes publiches é tl laûr da gnì laurades fora sön inćiaria dla junta provinziala, che à aprovè incö (ai 16 de dezëmber) les bases y i obietifs dl dessëgn de lege che vëgn. Da jenà laôron sön i articui cun les perts interessades, de merz le dessëgn de lege.

Pat de garanzia:Löm verda dala Junta, Renzi firma la comunicaziun por Viena

La Junta provinziala à aprovè incö le test de lege en discusciun al Senat sön le pat de garanzia danter Roma y Balsan che reveda le finanziamënt dl’Autonomia. "I ùn aprovè la pert che reverda le pat de garanzia tla lege de stabilité, deache dötes les acordanzes é gnüdes respetades“, à splighé le Presidënt Kompatscher.Intratan à le premier Renzi firmé la comunicaziun scrita por Viena.

Na foto de grupa di tradutëures ntan la sëira de letura tl Istitut ladin Micurà de Rü n vënderdi a San Martin de Tor.(USP/rc)

N esperimënt de lëur per purté la leteratura ladina ora per l mond

Dai 11 - 13.12 iel unì tenì a San Martin n workshop sun la traduzion leterera. "La leteratura ladina ie scialdi viva y davia che l ie mé n pitl cërtl de letëures iel mpurtant jì la streda dla traduzion per fé cunëscer nosta produzions letereres“, à spligà Alexander Prinoth, Diretëur dla Repartizion Cultura Ladina che à metù a jì l workshop adum cun Rep. Cultura tudëscia y la Cësa Editëura Folio.

N retrat dl’inauguraziun dla staziun nöia de Vierschach: (d.m.c.) le presidënt dla STA Ausserdorfer, l’ombolt da Sanciana Tschurtschenthaler, le presidënt dl Consëi Widmann, l’assessuria Felipe y l’assessur Mussner

Vierschach: La staziun dla ferata nöia é en funziun - "Na pera miliara"

Passè dala ferata diretamënter sön la pista dai schi: da śëgn é chësc passaje inće poscibl tl raiun da jì cun i schi dl Helm, tl’Alta Val de Puster, olache al é gnü inaugurè dan da püch dal assessur por la mobilité Florian Mussner y dal’assessuria tiroleja Ingrid Felipe la staziun dla ferata nöia de Vierschach-Helm – na pera miliara dla mobilité che coliëia l’Euregio.

I presidënc’ Arno Kompatscher y Günther Platter cun i assessurs Ingrid Felipe y Florian Mussner incö sön la ferata direta danter Balsan y Desproch.

L’Euregio é sön les scines: Ferates diretes y proieć por tarifes coletives

„Les ferates diretes é n sëgn concret dl’Euregio che i zitadins po anuzé tresfora y nes mostra les gran poscibilitês che la colaboraziun danter les trëi provinzies porta cun sè“ chësc à dit le presidënt Arno Kompatscher, che à presentè incö a Desproch adöm al presidënt dl Tirol Günther Platter i coliamënć cun la ferata danter Desproch,Balsan y Lienz y n proiet de cooperaziun por tarifes coletives.

Provinzia: Tles scores ladines à le 5,5 % fat para al scioper

Di 308 insegnanć dles scores ladines dla Provinzia da Balsan, ne à incö, vëndres ai 12 de dezëmber, 17 nia laurè fajon para al scioper di impiegać publics. La porcentuala che à fat para a chësta protesta é insciö de 5,5 porcënt.

Al Museum Ladin Ciastel de Tor gnaràl presentè ai 21 de dezëmber n catalogh nü sön la stüa dla Val Badia. (Foto: USP - Repartiziun Museums)

Museum Ladin: presentaziun catalogh sön la mostra dla stüa tla Val Badia

En domënia, ai 21 de dezëmber, gnaràl presentè dal assessur por la cultura ladina Florian Mussner dales 15.30 tl Museum Ladin Ćiastel de Tor a San Martin n catalogh nü realisé en ocajiun dla mostra “Le cör dla ćiasa – La stüa tla Val Badia”. La mostra sarà da odëi indô dai 26 de dezëmber, dé dla daurida invernala dl Museum Ladin a San Martin.

Defibriladëures: sën scemplificazion per la lies dl sport: Schatzer y assessëura Stocker (FOTO:LPA/Angelika Schrott)

Defibriladëures: śën scemplificazion per la lies dl sport

La Jonta provinziela à apurvà dan puech na delibera n cont dla ublianza per i mplanc dl sport d’avëi da garat n defibriladëur. "Alincontra de coche fova l regulamënt da dant iel śën stat mesun, n cunlaurazion cun l cunsorz di chemuns, d’arjonjer n gran alesiramënt per la lies dl sport", dij l’assessëura Martha Stocker.

I trëi assessurs por l’istruziun incö a Balsan (d.m.c.) Christian Tommasini, Philipp Achammer y Florian Mussner

Dessëgn de lege sön l’istruziun: Plü novitês é preodüdes

La presentaziun dl dëssegn de lege sön l’istruziun da pert di trëi assessurs por la scora incö a Balsan é n vare important tla direziun de na regolamentaziun nöia tl setur dl’istruziun. La Junta provinziala â aprovè n mertesc la proposta de lege portada dant dai assessur Achammer, Mussner y Tommasini y che gnarà menada inant insciö al Consëi provinzial.

Orars nüs por les corieres y ferates dai 14 de dezëmber inant

Da en domënia, ai 14 de dezëmber, se müda i orars dl trasport publich tl Südtirol cun l’ativaziun dl orar da d’invern por les ferates y les corieres. Insciö saràl a desposiziun dai 14/12 inant plü ferates de coliamënt sura le Prener. Novitês él inće por ći che reverda i orars dles corieres che an à porvè da adatè deplü ales nezescitês di utënć.

Inant ala news dl Servisc stampa dla Provinzia Autonoma de Bulsan »