Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

L’assessur Philipp Achammer y l’intendënt Peter Höllrigl cun la cuarta tlassa GB dl Zënter dles scores altes da Türesc che à arjunt le pröm post te süa categoria

Premiaziun proieć de formaziun politica: L’ITE Raetia é inće laprò

Colié la fantasia y la pratica cun l’aprofondimënt de n tema d’atualité: Chësta é stada la sfidada dl proiet „Politische Bildung“ che é gnü organisè dal’Intendënza todëscia adöm a chëra ladina, por tlasses dles scores mesanes, altes y profescionales. Le concurs scolastich é rovè incö (27/11) tla fasa finala cun la presentaziun y valutaziun di 8 mius proieć a Balsan.

La copertina del volume

Paleobotanica tla Talia: pröma publicaziun importanta tl Museum Natöra

500 agn te un n liber: Le Museum Natöra à dè fora la pröma publicaziun importanta sön la storia, le svilup y les descurides dla paleobotanica, chël ô dì dl’inrescida de plantes fossiles tla Talia. Le liber é gnü presentè incö, ai 27 de novëmber da Evelyn Kustatscher, öna dles auturies prinzipales y paleontologa tl Museum Natöra.

Le portal internet nü é gnü presentè incö (d.m.d.): dal diretur dl Istitut Ladin Leander Moroder, dal assessur Philipp Achammer, dal diretur dl Ofize Formaziun permanënta Hubert Bertoluzza y da Klaus Widmann dla Fondaziun Ca

www.manif.it: La verjiun nöia dl portal é gnüda presentada incö a Balsan

Le portal internet www.manif.it cöi adöm y presentëia te na manira scëmpla plü sorts de manifestaziuns, dal ćiamp dla cultura, ala musiga y formaziun, che vëgn metüdes da jì tles valades ladines dl Südtirol: incö, jöbia ai 27 de novëmber él gnü presentè le conzet nü dl portal che vëgn sostignì dales Repartiziuns dla cultura todëscia y ladina.

Na imaja de Huber Stuppner: l’autur dl liber "Oswald von Wolkenstein: Liebe, List und Leidenschaft "

Amur, furbaries y pasciuns:Oswald von Wolkenstein vëgn presentè tla Teßmann

La Biblioteca Provinziala Dr. Friedrich Teßmann inviëia ala presentaziun dl liber de Hubert Stuppner „Oswald von Wolkenstein: Liebe, List und Leidenschaft“. La vita dl poet y dl componist dl tëmp terdmedieval y sües creaziuns musicales y artistiches é al zënter dla publicaziun nöia che vëgn presentada ai 4 de dezëmber dales 20 Biblioteca Provinziala Dr. Friedrich Teßmann a Balsan.

AVIS Mudaziun dl post dla conferënza stampa da indoman "www.manif.it"

La conferënza stampa de presentaziun dl portal internet nü www.manif.it preodüda por indoman, vëndres ai 27 de novëmber, gnarà tignida tl Palaz provinzial 2 (plaza Silvius Magnago 10) tla terza alzada. L’orar de scomenciamënt resta dales 11.

L’app nöia cuntra la violënza sön les ëres vëgn ince presentada tl’ediziun nöia de "ëres-FrauenInfoDonne“

L’ediziun nöia de ëres-FrauenInfoDonne tematisëia la violënza sön les ëres

La revista „ëres-FrauenInfoDonne“ che vëgn dada fora dala Comisciun por l’avalianza dles oportunitês, po gnì lita inće online y trata te süa cuarta ediziun la violënza sön les ëres y co che ara po gnì evitada y combatüda.

Dala Junta: Rëi de telescialdamënt a Balsan y spartiziun di fonds ambientai

La Junta provinziala à aprovè incö (25/11) danter l’ater le plan de svilup presentè da Ecotherm che prevëiga l’ampliamënt dla rëi de telescialdamënt a Balsan. "Cun l’aprovaziun da incö unse fat n gran vare inant tl vers dla sconanza dl tlima“, à splighé l’assessur Theiner. Implü à la Junta valuté positivamënter la spartiziun di fonds ambientai che reverda l’implant idroeletrich da Bornech.

Dala Junta: 200 posć por practicums d’isté, domandes ćina ai 31 de jenà

La Junta provinziala mët a desposiziun 200 posć por düć i jogn che ô fà n practicum tl’Aministraziun provinziala le proscimo ann d’isté. I practicums à na dorada da 6 edemes a 3 mëisc, le terminn por dè jö la domanda por n practicum é ai 31 de jenà.

Dala Junta: Integraziun, medejina sportiva, aparać de pröm aiüt

De plü é stades les dezijiuns tutes incö, mertesc ai 25 de novëmber, dala Junta provinziala. Danter chëstes él la nominaziun dla Consulta provinziala por l’integraziun, l’istituziun de n register de doturs spezialisà che po scrì fora zertificać por pratiché sport de competiziun y la cumpra de aparać de pröm aiüt (defibriladus).

Proiet Safety Snow: "La ligrëza sön la nëi dess romagne"

Port ti dè inant ai jogn les regoles de comportamënt plü importantes y le savëi sön n sport da d’invern sigü à le presidënt dla ćiamena profescionala provinziala di mënacrëp y di acompagnadus cun i schi metü sö, en colaboraziun cun le sorvisc dl aiüt alpin dl AVS, les intendënzes scolastiches provinziales y l’Ofize Idrografich provinzial, le proiet "Safety Snow".

L’ass.ria Deeg: „Aumentè la cosciënza y le coraje zivil cuntra la violënza"

L’assessuria por la familia Waltraud Deeg se damana en ocajiun dl Dé internazional cuntra la violënza sön les ëres na „maiù cosciënza sön chësc fenomenn y da mostrè plü coraje zivil.“

Convëgn: „Metamorfosa dla scora“ ai 29 de novëmber a Balsan

Le convëgn „Metamorfosa dla scora“ vëgn tignì en sabeda ai 29 de novëmber tl’aula magna dl’Université Lëdia da Balsan dales 9 ales 13 y traterà les tematiches dl svilup y dl’evoluziun atuala dla scora.

Arno Kompatscher: "La Zentrala di Consumadus à na funziun fondamentala de proteziun di consumadus"

20 agn Zentrala di Consumadus: „Ara s’à davagné la crëta di zitadins“

En gaujun di 20 agn dala fondaziun dla Zentrala Consumadus dl Südtirol él gnü metü da jì incö (24 de novëmber) danmisdé a Balsan n convëgn. Chësta manifestaziun ne é insciö nia ma stada n’ocajiun por festejé n iubileum, a sotligné le Presidënt Kompatscher, mo „por festejé na storia de suzès: la Zentrala di Consumadus é aldedaincö zënza concorënza por ći che reverda la crëta che i consumadus ti à.“

Stipendiums por le personal sanitar

L’Ofize Formaziun dl personal sanitar lascia alsavëi che al vëgn conzedü stipendiums por la formaziun de basa che reverda les profesciuns sanitares, sciöche inće i spezialisć y i assistënć tl ćiamp sanitar por l’ann de scora 2014/2015.

Dé internazional cuntra la violënza sön les ëres: Al é gnü presentè incö l’app nöia (Foto: USP/M.Ebert)

Dé cuntra la violënza sön les ëres: plü segurëza tres n'app por mitans

En gaujiun di 25 de novëmber, dé internazional cuntra la violënza sön les ëres, él gnü presentè incö, lönesc ai 24 de novëmber n „app por les mitans“, realisada dala Comisciun por l’avalianza dles oportunitês dles ëres y dl Sorvisc Ëra. L’assessuria Martha Stocker dij: „L’app é n contribut important por informè les mitans y les ëres jones sön les sorts desvalies de violënza cuntra d‘ëres."

Inant ala news dl Servisc stampa dla Provinzia Autonoma de Bulsan »