Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

Dala Junta: Rëi de telescialdamënt a Balsan y spartiziun di fonds ambientai

La Junta provinziala à aprovè incö (25/11) danter l’ater le plan de svilup presentè da Ecotherm che prevëiga l’ampliamënt dla rëi de telescialdamënt a Balsan. "Cun l’aprovaziun da incö unse fat n gran vare inant tl vers dla sconanza dl tlima“, à splighé l’assessur Theiner. Implü à la Junta valuté positivamënter la spartiziun di fonds ambientai che reverda l’implant idroeletrich da Bornech.

Dala Junta: 200 posć por practicums d’isté, domandes ćina ai 31 de jenà

La Junta provinziala mët a desposiziun 200 posć por düć i jogn che ô fà n practicum tl’Aministraziun provinziala le proscimo ann d’isté. I practicums à na dorada da 6 edemes a 3 mëisc, le terminn por dè jö la domanda por n practicum é ai 31 de jenà.

Dala Junta: Integraziun, medejina sportiva, aparać de pröm aiüt

De plü é stades les dezijiuns tutes incö, mertesc ai 25 de novëmber, dala Junta provinziala. Danter chëstes él la nominaziun dla Consulta provinziala por l’integraziun, l’istituziun de n register de doturs spezialisà che po scrì fora zertificać por pratiché sport de competiziun y la cumpra de aparać de pröm aiüt (defibriladus).

Proiet Safety Snow: "La ligrëza sön la nëi dess romagne"

Port ti dè inant ai jogn les regoles de comportamënt plü importantes y le savëi sön n sport da d’invern sigü à le presidënt dla ćiamena profescionala provinziala di mënacrëp y di acompagnadus cun i schi metü sö, en colaboraziun cun le sorvisc dl aiüt alpin dl AVS, les intendënzes scolastiches provinziales y l’Ofize Idrografich provinzial, le proiet "Safety Snow".

L’ass.ria Deeg: „Aumentè la cosciënza y le coraje zivil cuntra la violënza"

L’assessuria por la familia Waltraud Deeg se damana en ocajiun dl Dé internazional cuntra la violënza sön les ëres na „maiù cosciënza sön chësc fenomenn y da mostrè plü coraje zivil.“

Convëgn: „Metamorfosa dla scora“ ai 29 de novëmber a Balsan

Le convëgn „Metamorfosa dla scora“ vëgn tignì en sabeda ai 29 de novëmber tl’aula magna dl’Université Lëdia da Balsan dales 9 ales 13 y traterà les tematiches dl svilup y dl’evoluziun atuala dla scora.

Arno Kompatscher: "La Zentrala di Consumadus à na funziun fondamentala de proteziun di consumadus"

20 agn Zentrala di Consumadus: „Ara s’à davagné la crëta di zitadins“

En gaujun di 20 agn dala fondaziun dla Zentrala Consumadus dl Südtirol él gnü metü da jì incö (24 de novëmber) danmisdé a Balsan n convëgn. Chësta manifestaziun ne é insciö nia ma stada n’ocajiun por festejé n iubileum, a sotligné le Presidënt Kompatscher, mo „por festejé na storia de suzès: la Zentrala di Consumadus é aldedaincö zënza concorënza por ći che reverda la crëta che i consumadus ti à.“

Stipendiums por le personal sanitar

L’Ofize Formaziun dl personal sanitar lascia alsavëi che al vëgn conzedü stipendiums por la formaziun de basa che reverda les profesciuns sanitares, sciöche inće i spezialisć y i assistënć tl ćiamp sanitar por l’ann de scora 2014/2015.

Dé internazional cuntra la violënza sön les ëres: Al é gnü presentè incö l’app nöia (Foto: USP/M.Ebert)

Dé cuntra la violënza sön les ëres: plü segurëza tres n'app por mitans

En gaujiun di 25 de novëmber, dé internazional cuntra la violënza sön les ëres, él gnü presentè incö, lönesc ai 24 de novëmber n „app por les mitans“, realisada dala Comisciun por l’avalianza dles oportunitês dles ëres y dl Sorvisc Ëra. L’assessuria Martha Stocker dij: „L’app é n contribut important por informè les mitans y les ëres jones sön les sorts desvalies de violënza cuntra d‘ëres."

"Scora ladina tl dialogh": N retrat tratan na mësa de discusciun a San Martin de Tor

Svilup danter valurs y competitivité: La Scora ladina pënsa a so dagnì

Aldì les propostes por ciafè impulsc concreć tres n dialogh partezipatif: Chësc le fin dles sëres de discusciun danter plü rapresentanc dl monn dla scora ladina che s’à incuntè da püch a San Martin y a Urtijëi por cöi adöm propostes nöies por le svilup dla scora tl dagnì. „Les idees portades dant sarà la basa por na colaboraziun costanta danter les istituziuns“, insciö l’assessur Florian Mussner.

Le portal internet nü "www.manif.it" gnarà presentè ai 27/11 a Balsan.

"www.manif.it": Presentaziun dl portal internet nü a Balsan ai 27/11

Cun na grafica daldöt nöia che se adatëia inće ales formes plü modernes dla comunicaziun tecnologica se presentëia da püch le portal internet ladin www.manif.it, olache al vëgn racoiü y publiché les manifestaziuns dles valades ladines dl Südtirol. Le portal nü, sostignì dales Repartiziuns Cultura Ladina y Cultura todëscia, gnarà presentè en jöbia ai 27 de novëmber dales 11 a Balsan.

Assoziaziuns soziales po damanè do n'antizipaziun ćina ai 15 de dezëmber

La Repartiziun Politiches Soziales informëia che al é poscibl por ënć privać y publics che laôra tl setur sozial da fà domanda ćina ai 15 de dezëmber dales 12 por n’antizipaziun dl contribut por l’ativité ordinara dl 2015.

Scola ladina tl dialogh: Mudazion de post

La segonda ancunteda de descuscion sun l svilup dla scola ladina unirà tenida tl’ Aula Magna dl ITE „Raetia“ a Urtijëi y nia tla Cësa de Cultura Luis Trenker. L orar resta l medemo: dala 19.30.

Assistënza por l’infanzia: Prësc trëi miliuns é gnü assegnà por le sorvisc dles umes dl dé

Assistënza por l’infanzia: Prësc trëi miliuns por les "umes dl dé"

Prësc trëi miliuns de euro mët la Junta provinziala a desposiziun por l’ann 2014 por le finanziamënt dl sorvisc dles umes dl dé. Sön proposta dl’assessuria Waltraud Deeg é la terza pert dl finanziamënt de 1,218 miliuns de euro gnüda aprovada inier (18/11). Les organisaziuns che organisëia le sorvisc d’assistënza po fà domanda por l’antizipaziun dl 85 porcënt dl finanziamënt complessif.

Conzerć cun solisć d'ezeziun: „Junge Solisten am Podium“

Tl contest dla dejima ediziun de „Junge Solisten am Podium 2014“ él l’orchestra da ćiamena tiroleja che mët a jì dui conzerć ai 30 de novëmber y al 1 de dezëmber tl Südtirol. I partner de cooperaziun dla scomenciadia é les Scores de musiga todësces y ladines adöm cun „Musik Meran“.

Inant ala news dl Servisc stampa dla Provinzia Autonoma de Bulsan »