Vai al contenuto principale Vai alla navigazione principale Vai alla navigazione secondaria

Home › Ufize stampa dla Provinzia

Ufize stampa dla Provinzia

	Dala senteda dla Jonta provinziela dl 21 de mei 21.05.2012 \| Desvalí USP – L’ancunteda cun la banches y l cumité per la relazions banacaries, deberieda cun na lingia d’autri argumënc sciche i aiuc per l tremot, recurs al Guviern talian, jëuni zënza lëur, nsenianc y l vedl fier ie stai i argumënc zentrei dla senteda dla Jonta provinziela ai 21 de mei. L presidënt Luis Durnwalder à cunedì la dezijions tla cunferënza stampa riesc do la senteda.
	Jonta provinziela: tremot, recurs, jëuni zënza lëur y nsenianc 21.05.2012 \| Desvalí USP – Te si senteda da (NCUEI) ai 21 de juni à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce la pruposta de aiut per i tuchei dal tremot, l recurs al Guviern per la spartizion dla chëutes nueves, l servisc de ulentariat per jëuni, nsenianc de rujeneda y personal dla scolines.
	Jonta provinziela: cumité per relazions bancaries 21.05.2012 \| Politica USP – Per cialé deberieda cie che la Provinzia y la banches da tlo possa fé tla situazion economica dl mumënt, iel ntan la senteda dla Jonta provinziela unì tenì n’ancunteda cun reprejentanc dla banches da tlo. (NCUEI) ai 21 de mei iel unì fat ora che n cumité di trëi assessëures provinziei Mussner, Widmann y Bizzo dëssa deberieda cun i diretëures generei dla banches lauré ora modiei per l daunì.
	Ncuei dala 10.00 menut de chiet per l atentat a Brindisi 21.05.2012 \| Scola / Cultura USP - Ncuei ai 21 de mei vëniel dala 10.00 tenì n menut de chiet te duta la scoles dl Südtirol. Cun chësc menut de chiet uel l mond dla scola dé esprescion de solidarietà de viers dla vitimes dl atentat a na scola a Brindisi y cundané uni sort de viulënza.
	Prinzips nueves per l lëur dla Scolines Ladines tl respet dla partezipazion 18.05.2012 \| Scola / Cultura USP - La 17 scolines ladines à ntan chësc ann laurà ora n prufil pedagogich aldò de chël che possa unì urientà miec l lëur cun y per i pitli mutons y la pitla mutans. Chësc model de urientamënt ie (NCUEI) ai 18 de mei unì purtà dant ai reprejentanc di genitores, ai respunsabli di chemuns y dl sistem furmatif ladin, ma nce a istituzions che lëura deberieda cun la scolines ladines.
	Lëures de Ivan Lardschneider tl Ufize dl’Euregio a Bruxelles 17.05.2012 \| Scola / Cultura USP – Nchin ai 30 de mei iel tl Ufize dla region europea Tirol- Südtirol-Trentin a Bruxelles da udëi lëures de Ivan Lardschneider. La mostra dl scultëur de Sëlva ie unida giaurida n merdi ai 15 de mei.
	Nuef ejam de ladin per nsenianc 17.05.2012 \| Scola / Cultura USP – Per nsenië tla scoles y scolines ladines muessa i nsenianc documenté si cumpetënza linguistica tla rujeneda ladina. Pra l ejam de ladin per nsenianc iel unì mudà la pert scrita che ne sarà nia plu na traduzion ma dumandes a resposta davierta.
	Ai 25 de mei premiazion y prejentazion de „Autëures Ladins Scrij...“ 17.05.2012 \| Scola / Cultura USP – Trëi scric premiei dl cuncors de leteratura ladina scrit ora dal Assessorat ala Cultura Ladina plu mo autri trëi pec cris ora dala cumiscion ie unic stampei te n liber. La prejentazion dla stories per jëuni y jëunes, y la premiazion dl cuncors „Autëures Ladins Scrij...“ unirà tenida n vënderdi ai 25 de mei dala 6 da sëira tl local di jëuni Saut a Urtijëi.
	Panoram4 – gran mostra dl’ert nueva dla trëi grupes de rujeneda 16.05.2012 \| Scola / Cultura USP – Te n mëns, ai 15 de juni uniral tla Furtëza de Franzensfeste giaurì la cuarta edizion dla mostra Panorama, la gran mostra che pieta na sëuravijion dl’ert atuela tl Südtirol. Ala scumenciadiva dla repartizions provinzieles ala cultura dla trëi grupes de rujeneda deberieda cun l Museion fej nce pea de plu artisc’ ladins. I assessëures provinziei ala cultura à (NCUEI) ai 16 de mei prejentà la gran scumenciadiva.
	Cumiscion se damanda n proiet nuef per l purtoi Cir te Sëlva 15.05.2012 \| Ambiënt USP – La cumiscion provinziela per la scunanza dla cuntreda ne à nia azetà l proiet de slargë l purtoi Cir te Sëlva. Tla senteda da (NCUEI) ai 15 de mei se à la cumiscion damandà che l proiet vënie laurà ora da nuef.
	Ndicazions nueves per i curricula di istituc tecnics ladins 15.05.2012 \| Scola / Cultura USP – La Jonta provinziela à dat pro la ndicazions provinzieles nueves aldò de chëles che i istituc tecnics economics dla valedes ladines possa anjenië i curricula per la terza, cuarta y cuinta tlas.
	Cëses di parcs naturei inò daviertes 14.05.2012 \| Ambiënt USP – De mei à sies de set cëses di parcs naturei inò giaurì. N ucajion dl ann nternaziunel dla flutra, à la cëses chëst ann dedicà scumenciadives ala flutra.
	Dala senteda dla Jonta provinziela dl 14 de mei 14.05.2012 \| Desvalí USP – L recurs da pert dl Guviern talian a doi ponc dla lege provinziela per l cumerz, l sustëni dla Provinzia per la produzion de films, l’suzes dl’ancunteda di Alpini y l pëis dl’esperienza per categurisé raions de pericul ie stai i argumënc zentrei dla senteda dla Jonta provinziela ai 14 de mei. L presidënt Luis Durnwalder à cunedì la dezijions tla cunferënza stampa riesc do la senteda.
	Recurs da Roma contra doi ponc dla lege per l cumerz 14.05.2012 \| Economia USP – Da pert dl Cunsëi di ministri fovel ruvà na lista de argumënc da pesimé n cont dla lege provinziela nueva per l cumerz. L Guviern udova che te de plu ponc ne respetëssa la lege provinziela nia diretives naziuneles y europees. Do na tëuta de posizion da pert dla Jonta provinziela, iel me plu restà doi ponc sun chëi che l unirà fat recurs: i raions de produzion y l’orar de giaurida.
	Puscibltà nueva per i raions de pericul 14.05.2012 \| Aministraziun USP – I Chemuns à de majera dificulteies à tlassifiché i raions de pericul ulache l ne puderà nia unì frabicà. La Jonta provinziela à (NCUEI) ai 14 de mei dat pro che l dëssa nce unì tëut n cunsciderazion l’esperienza a tlassifiché chisc raions.

Vai alle news del Servizio stampa della Provincia Autonoma di Bolzano »

↑ Scomenciamënt dla plata