De plü dac

D’atri dac, d’atres informaziuns y d’atri documënc, che l'Aministraziun provinziala n’á nia le dovëi da publiché aladô dles desposiziuns varëntes y che ne pó nia gní assoziades a öna dles sotseziuns dades dant dessura.

Informaziuns y comunicaziuns por garantí l'eserzize di dërc sön sü dac personai dla porsona interessada

Pian ia dai 25 de ma dl 2018 pó vigni porsona interessada ti rové pormez te vigni momënt sön domanda a sü dac aladô dl Regolamënt sön la proteziun di dac personai 2016/679 (dessot RGPD); sce ara i arata falá o nia complec póra damané che ai vëgnes mudá o integrá; ara pó damané che ai ne vëgnes nia laurá fora, che ai vëgnes cancelá o che al vëgnes limité l'elaboraziun tan inant che al é preodü dala lege. Tl ultimo caje pó i dac personai cun n'elaboraziun limitada, stlüt fora la conservaziun, ma gní laurá fora cun l'autorisaziun dla porsona che fej domanda por l’eserzize iudiziar de n dërt dl titolar, por la proteziun di dërc de terzi o por rajuns de gran interes publich (artt. 12 y da 15 a 22 dl RGPD).

Da che jí:
La domanda mëss gní ortiada al Ofize Organisaziun dla Provinzia autonoma de Balsan, sciöche strotöra organisativa che chëia adöm les domandes de eserzize di dërc dla porsona interessada preodüda dessura. Tl caje de domandes che reverda i dac personai de n tratamënt spezifich, olache ara vá da ciafé sö ci strotöra organisativa che é competënta, ti ortia l’Ofize Organisaziun la domanda ala strotöra competënta che respognará diretamënter ala porsona interessada. Tl caje indere de domandes generiches se cruziará l’Ofize Organisaziun da les ortié inant a dötes les Repartiziuns provinziales, che ti ortiará les informaziuns che vá debojëgn al Diretur general che ti respognará ala porsona interessada.

Ofize Organisaziun dl’Aministraziun provinziala

Direturia d'ofize Patrizia Nogler

Palaz provinzial 1, Plaza Silvius Magnago 1

39100 Balsan

Tel.+39 0471 414950
Fax +39 0471 414969
PEC: organisation.organizzazione@pec.prov.bz.it
E-Mail: organisation@provinz.bz.it

Al ne vëgn nia tut sö domandes a usc. L’eserzize di dërc dessura é de regola debann. Sce la porsona che fej domanda se damana cosses zënza fondamënta o demassa, dantadöt ajache ara le fej tres indô, pó l’Aministraziun se fá paié n contribut por les spëises adaté, tignin cunt di cosć aministratifs sostignis por forní les informaziuns o fá ci che vëgn damané.

Formular por fá domanda:

Recurs:
La porsona interessada pó dé jö na retlamaziun pro le Garant por la proteziun di dac o fá recurs pro l’autorité iurisdizionala, sce ara ne ciafa nia na resposta te 30 dis da canche ara á dé jö la domanda, ater co sce le termin vëgn arlungé cun motivaziun cina a 60 dis por rajuns liades ala complessité dla domanda o ajache al é tan de domandes.

Responsabla dla Proteziun di Dac dl'Aministraziun provinziala 

Cristina Motti
Palaz provinzial 1, Plaza Silvius Magnago 1
39100 Balsan
Tel. + 39 0471414958
dsb@provinz.bz.it
rpd­_dsb@pec.prov.bz.it


De dla trasparënza

Le De dla trasparënza é na scomenciadia por promöie la cultura dla trasparënza y le barat d'informaziuns danter l'Aministraziun provinziala y la jënt, les impreses y i grups d'interes, y por ti fá retlam ala plata web 'Aministraziun trasparënta' y informé sön sü contignüs.

Dé dl'Autonomia/De dla trasparënza 5 Setëmber 2017: