Comunicac dl ofize stampa

  • NVIT Brosciures sun la ntegrazion: presentazion a Al Plan y Urtijëi

    Acumpanië y alesiré la ntegrazion tla scoles y scolines ladines cun cunsëies y nfurmazions d’utl: chësc ie l fin de doi brosciures nueves svilupedes dal Serivisc per la Consulënza psicopedagogica y per la ntegrazion dla Ntendënza ladina per i genitores cun n background de migrazion y per l personal didatich/pedagogich. La brosciures nueves unirà presentedes ai 07/03 a Al Plan y ai 09/03 a Urtijëi.

  • De internazional dl lingaz dla uma – Mussner: „Richëza y porta sön le monn“

    „La promoziun dl lingaz dla uma te n contest plurilingual é un di obietifs prinzipai de nosc sistem scolastich che vëgn renforzé y svilupé inant tresfora“, dij l’assessur por la scora ladina Florian Mussner en ocajiun dl De internazional dl lingaz dla uma che vëgn festejé ai 21 de forá.

  • Iscriziuns tles gradatöres provinziales y d’istitut cina ai 17 de merz

    Scora ladina: Les iscriziuns por l’inserimënt tles gradatöres d’istitut y tles gradatöres provinziales nöies por l’ann de scora 2016/17 mëss gní dades jö cina ai 17 de merz dl 2016 pro l’Intendënza ladina da Balsan.

  • Trienala Ladina 2016, iscriziuns davertes - Co se candidé

    Ai 9 de setëmber dl 2016 dales 18.00 gnará la Trienala ladina daurida ofizialmënter tl Museum Ladin Ciastel de Tor.

    La promoziun dl’ert ladina é le fin prinzipal dla mostra coletiva Trienala Ladina che gnará metüda a jí dal mëis de setëmber dl 2016 inant tl Museum Ladin Ćiastel de Tor. I artisć y les artistes che ó tó pert ala mostra pó dé jö süa candidatöra cina ai 8 de merz dl 2016. La bandida dl concurs é da püch gnüda publicada dal Museum Ladin.

  • Inovaziun y Consulënza: "Storiesapp" da sëgn ince por Android

    Imparé i lingac te na manira plajora y interativa: Chësc é l’obietif de Storiesapp da  sëgn desponibl ince por Android. (Foto: USP/Inovaziun y Consulënza)

    Do le gran suzes cun 10.000 desćiariades bele fates por le sistem iOS de Apple pó sëgn "Storiesapp", l’app dada fora da Inovaziun y Consulënza por imparé i lingac te na manira plajora, ince gní desćiariada por android da GooglePlay. Le proiet didatich pita indöt set cunties interatives che favorësc l’insegnamënt plurilinguistich y pó gní anuzé por ladin, todësch, talian y inglesc.

  • Dala Junta: acordanza scores-ANPI por analisé la perioda storica 1919-1948

    La Junta provinziala á aprové incö le protocol d’acordanza danter les trëi Intendënzes scolastiches y l’ANPI (l’Assoziaziun nazionala di partejans) por amplié la conescënza di avenimënc storics tratan la perioda danter le 1919 y le 1948 tles scores. Al é preodü de plü scomenciadies.

  • Dala Junta: Stipendiums por meric particolars a studënc dl'université

    La Junta provinziala á aprové incö (16/02) döes bandides de concurs por la conzesciun de stipendiums a studënc y studëntes che á stlüt jö l’ann 2014/15 cun resultac ezelënc: al vëgn metü a desposiziun indöt 164 stipendiums por studënc che á studié te n’université taliana y 162 por studënc che á frecuenté n’université foradecá. Vigni stipendium á na dotaziun de 1.160 euro.

  • Aniverser dla ferata de Gherdëina - Funzion ecumenica ai 23 de fauré

    "La ferata de Gherdëina ntëur l 1955": Cherta che mostra la ferata te Gherdëina. (Dërc resservei: Culezion Turiseum -  Museum provinziel dl Südtirol per l turism)

    L aniverser di 100 ani dala costruzion dla ferata de Gherdëina sarà chëst ann una dla tematiches dla Repartizion Cultura y Ntendënza Ladina. "L focus sarà sun la storia dla ferata cun nce n’udleda sun l daunì", nsci l assessëur Florian Mussner. Ai 23 de fauré uniral zelebrà na mëssa adum cun n pope dla dlieja russa-ortodossa per lecurdé la vitimes russes y duc i lauranc che à realisà la ferata.

  • Roland Verra espert dl mëis sön Mercator, rëi d'archirida europeica

    L’intendënt ladin Roland Verra é l’espert dl mëis de forá sön Mercator Research, rëi d’archirida europeica che stüdia i lingac dles mendranzes.

    La promoziun di lingac de mendranza te contesć de plurilinguism é un di obietifs primars dla rëi d’archirida “Mercator”, la organisaziun dles scores de mendranza por cunt dl’Uniun Europeica. La plataforma europeica presentëia da püch sön süa plata internet l’intendënt Roland Verra sciöche espert dl mëis de forá y fej ince referimënt a süa publicaziun “The Ladin language in education in Italy".

  • De internazional dl lingaz dla uma: Convëgn ai 19 de forá

    En gaujun dl De internazional dl lingaz dla uma ogranisëia le Sorvisc de coordinamënt por l’integraziun en vëndres, ai 19 de forá dl 2016, dales 17.00 inant n convëgn en presënza dl soziologh Adel Jabbar y cun le scienziá Lorenzo Zanasi dl Eurac tl Palaz Widmann a Balsan. L’entrada é debann, iscriziuns tres email.