Comunicac dl ofize stampa

Comuns-Cluster, la Junta á stabilí les regoles por l'insegnamënt

Leziuns da ciasa dala secunda mesana inant por dötes les scores che é ti Comuns-Cluster. Chësta é stada incö (05/11) la dezijiun dla Junta provinziala.

Te na sentada straordinara á la Junta provinziala analisé incö le tematica dl archimënt dla defujiun dl coronavirus tl setur dla scora (Foto: unsplash.com)

Te na sentada straordinara á la Junta provinziala analisé incö domisdé ai 5 de novëmber la tematica dl archimënt dla defujiun dl coronavirus tl setur dla scora, dantadöt por ci che reverda i Comuns-Cluster, olache al é en forza regoles plü strëntes. Atualmënter ne é degügn Comuns dles valades ladines atocá dales mosöres plü strëntes.

La Junta provinizala á tut la dezijiun che al podará gní tigní leziuns en presënza ti Comuns-Cluster, dai 9 de novëmber inant, ince tles scolines, scores elementares y tla pröma classa dles scores elementares ti Comuns-Cluster. Dala secunda classa dles scores mesanes y tles scores altes gnarál tigní leziuns da ciasa, cun ezeziuns sce al se trata de mitans y mituns cun debojëgns particolars y te situaziuns de dificolté. Por dötes les scolares y i scolars che jará a scora en presënza ti Comuns-Cluster sarál d’oblianza da se curí bocia y nes cun mascheres de proteziun.

Por ci che reverda i atri Comuns dl Südtirol, olache al toma ite atualmënter düc i Comuns ladins, á valüta les mosöres preodüdes dal’ordinanza provinziala numer 63: leziuns en presënza (cun oblianza da vistí les mascheres de proteziun dai 6 agn insö) dales strotöres por i mëndri  ales scolines, scores elementares y mesanes. Pro les scores altes él preodü leziuns da ciasa cun ezeziuns por scolares y scolars cun debojëgns particolars y te situaziuns de dificolté.

USP/mb

Galaria dales fotografies