Comunicac dl ofize stampa

De dla Scora Ladina 2020: Restart y didatica a destanza

En lönesc ai 31 de agost gnarál organisé le De dla Scora Ladina cun tl zentër la tematica dl “Restart y didatica a destanza”. La manifestaziun gnará tignida online.

Le De dla Scora Ladina 2020 sará inann online sön MS-Teams. La tematica prinzipala sará "Restart y didatica a destanza"

La pert zentrala dl De dla Scora ladina 2020, apuntamënt tradizional dl mëteman dl ann de scora, sará inann le referat dl espert Andreas Conca dal titul “Les conseguënzes dl’isolaziun tres le Covid-19 por i mituns y jogn. Ci adora pa mituns y jogn por podëi pié ia danü? Ci podunse pa nos fá por ëi?”. Les tematiches prinzipales é le restart y la didatica a destanza. Al gnará ince a se le dé intervënc y parores de salüt da pert dl assessur por la formaziun y cultura ladina, da pert dl intendënta Edith Ploner y da pert dl ispetur dles scores ladines Albert Videsott.

L’apuntamënt por le De dla Scora ladina é

en lönesc, ai 31 de agost

dales 09:00 inant

online sön MS-Teams. 

Le link por l’azes al De dla Scora ladina ti vëgn mené diretamënter a insegnates, insegnanc y geniturs diretamënter dala Intendënza ladina. Por de plü informaziuns prëibel contaté: intendenza-ladina@provinzia.bz.it.

 

 

USP/USP

Galaria dales fotografies