Comunicac dl ofize stampa

10 de novëmber: De dles cronistes y di cronisć

Les cronistes y i cronisć dl Südtirol fajará n bilanz dles ativités y di proiec di ultims agn en ocajiun dl 20ejimo De di cronisć ai 10 de novëmber a Balsan.

Les tematiches zentrales dl De dles Cronistes y di Cronisć sará le svilup dla contrada culturala y dles frabiches tl Südtirol. Danter l’ater sarál le diretur dl Ofize Natöra, paesaje y svilup dl teritore, Peter Kasal, y Georg Praxmarer che jará ite sön les tematiches anunziades. Implü sarál Marlene Huber dl Ofize Film y media y Alessandro Campaner dl Archif provinzial che presentará le proiet Interreg “Lichtbild”.

L’Archif provinzial inviëia dötes les cronistes y i cronisć al dé dla formaziun che gnará organisé por le 20ejimo iade inann. Le De di cronisć gnará inauguré dal assessur por i bëgns culturai Florian Mussner y dala direturia dla Repartiziun Christine Roilo adöm ala Cronista provinziala dl Südtirol Thaler Wieser y al colegh dl Tirol Helmut Hörmann

en vëndres, ai 10 de novëmber dl 2017

dales 9.30

tla curt interna dl Palaz provinzial 1

plaza Silvius Magnago 1

a Balsan.

Tratan la manifestaziun gnarál ince organisé na vijita al Museum Natöra.

 

USP