Comunicac dl ofize stampa

6a ediziun „Futurum“: presentaziun ai 22 de setëmber

I assessurs Tommasini, Mussner y Achammer presentará le program dla Fiera dla formaziun che gnará organisada ala fin de setëmber a Balsan.

Dai 29 de setëmber al 1 de otober gnarál organisé la Fiera dla Formaziun „Futurum“ tla sënta dla Fiera a Balsan por scolars, geniturs y dötes les porsones interessades da s’informé sön les poscibilités desvalies dl’oferta formativa dles istituziuns scolastiches talianes, todësces y ladines, mo ince de universités talianes y da foradecá.

Le program dla sesta ediziun dla manifestaziun gnará a se le dé dai assessurs provinziai por l’istruziun y cultura, Christian Tommasini, Florian Mussner y Philipp Achammer tl contest de na conferënza stampa

en jöbia, ai 22 de setëmber dl 2016

dales 11.00

tl salf stampa

de Palaz Widmann,

plaza Silvius Magnago 1

a Balsan.

Al sará ince presënt Martin Haller, vizepresidënt dl’Assoziaziun provinziala dl artejanat y sorvisc APA-LVH, che presentará le Campionat provinzial di mestiers „Worldskills Italy“ che gnará a se le dé tl contest dla Fiera dla Formaziun „Futurum“.

rc