Duta la scolines dl Südtirol

Scolina da San Martin de Tor

Comun da San Martin de Tor | Direziun dles scolines "Ladinia"

Tla scolina ladina „San Martin de Tor“ él un n grup cun mitans y mituns de dui agn y mez cina sis agn.

Al vëgn lauré aladô dl prinzip pedagogich dla „daurida parziala“, chël ó dí che les mitans y i mituns pó instësses y instësc tó la dezijiun te ci local che ares y ai ó se tigní sö a fá belaita y a imparé valch.

La scolina da San Martin se anüzeia de n bel toch de bosch dlungia l edifize. Vigni de junse tla natöra a soghé, imparé y descurí valch de nü.

N’atra particolarité de nosta scolina é le foliet ‘Les usc dla scolina’. Le travert de chёsta plata é de descrí les esperiёnzes y i avenimёnc plü significatifs che i mituns y les mitans vir te scolina. Les ediziuns vёgn fora vigni trёi mёnsc y menades inant ai geniturs tres e-mail.

Laur de formaziun y educazion

Le laur pedagogich cun les mitans y i mituns vëgn fat te trëi lingac:

• Ladin (sciöche lingaz prinzipal)
• Todësch y talian (tla medema mosöra)

Deplü informaziuns ciafëise sot a: La scolina ladina.

Locai de scolina

La scolina da San Martin á de plü locai a desposiziun te chi che al vëgn arjigné ite isoles de formaziun aladô di interesc y di bojëgns dles mitans y di mituns.

Locai de formaziun:

• N local polifunzional (jüc da mësa, local di cëis)
• N local por la creativité
• N local de movimënt
• N local por les costruziuns y les inrescides
• N local da fá jüc de fantasia, de rode y da se relassé

Team de scolina

Nosc team de scolina é formé da na maestra de scolina y na colaboradëssa pedagogica.

Tëmps de daurida

(*) I tëmps de daurida arlungiá mëss bele gní concordá tl momënt dla iscriziun.

Contat

Downloads