Duta la scolines dl Südtirol

Scolina de La Pli

Comun de Mareo | Direziun dles scolines "Ladinia"

Tla scolina ladina da La Plí de Mareo, él döes seziuns. Al pó gní tut sö cina 33 mituns/mitans danter i trëi y i sis agn.
Te nosta scolina ciarunse da renforzé les capazités y les abilités di mituns y dles mitans.
Por nos él important da costruí y mantigní n raport respetus cun düc/dötes y da valorisé y integré les competënzes de vigni singul individuum. Nosc laur pedagogich se orientëia ai debojëgns individuai di mituns y dles mitans. I ti pitun ai mituns y ales mitans la poscibilité da partezipé, da imparé y dá fá esperiënzes desvalies te n cheder de na relaziun soziala daverta. Na carateristica de nosta ativité pedagogica é chëra, da mantigní, renforzé y sostigní le lingaz y la cultura ladina y da dé inant y da renforzé le plurilinguism sciöche valur.
Les contrades da soghé y da imparé, pita poscibilités desvalies d’esperiënza y sostëgn.
Te nosta scolina ciafa i mituns y les mitans daite y defora ciamps da imparé che reverda:
•    Le movimënt
•    L’ert, la musiga y la cultura
•    Le lingaz y i media
•    Les sciënzes naturales
•    La religiosité y les usanzes
•    La pedagogia da vigni de

Laur de formaziun y educaziun

Le laur pedagogich cun les mitans y i mituns vëgn fat te trëi lingac:

• Ladin (sciöche lingaz prinzipal)
• Todësch y talian (tla medema mosöra)

De plü informaziuns ciafëise sot a: La scolina ladina.

L mangé sann, bun y natural te scolina.

Locai de scolina

La scolina de La Pli á a desposiziun trëi locai da fá belaita y da imparé cun chëstes lercs:

• Lerch da fá jüc de rode
• Lerch por jüc da mësa y da regoles
• Lerch por la creativité
• Lerch da lauré y da costruí
• Urt
• Palestra deboriada cun la scora elementara
• Bagn

Team de scolina

Nosc team de scolina é formé döes maestres y döes colaboradësses pedagogiches a tëmp parzial.

Tëmps de daurida

(*) I tëmps de daurida arlungiá mëss bele gní concordá tl momënt dla iscriziun.

Contat

Downloads