Atualità
Scomenciamënt dla scora y scolina: trëi conferënzes stampa
Scolines y scores pëia indô ia de setëmber, tl contest dl coronavirus. I trëi assessurs por la scora presentëia te trëi conferënzes stampa desvalies les regoles y les linies de referimënt.
Ai 7 de setëmber mët por i mituns y les mitans de Südtirol indô man la scolina y la scora. Chël da jí zeruch ales leziuns en presënza tl contest dla pandemia dl coronavirus é n proiet fondamental y ambizius, che adora le sostëgn y en modamënt de prospetiva de dötes les perts interessades. Por informé sura les linies de referimënt y sura les regoles dla destanza tles scolines y tles scores por l’ann de scora 2020/2021, tignará i trëi assessurs por la scora trëi conferënzes stampa desvalies:
en mertesc, ai 18 de agost dl 2020, dales 09:30 conferënza stampa dl assessur por la scora todëscia
(a Balsan, salf stampa dla Junta, plaza Silvius Magnago 1)
en jöbia, ai 20 de agost dl 2020, dales 08:30 conferënza stampa dl assessur por la scora ladina
(a Urtijëi, Istitut Tecnich Economich Raetia, strada Rezia 295)
en mertesc, ai 25 de agost dl 2020, dales 14:30 conferënza stampa dl assessur por la scora taliana
(a Balsan, salf stampa dla Junta, plaza Silvius Magnago 1)
Ales conferënzes stampa tolará pert ince i rapresentanc dles trëi direziuns scolastiches.
USP/gst
