Atualità

Covid-19: 9 porsones positives, degun caje de mort

L'Aziënda sanitara dl Südtirol comunichëia i dac ajorná a livel provinzial sön la situaziun dl'epidemia da Covid-19.

Coronavirus: 9 porsones positives implü (Foto: pixabay)

L’Aziënda sanitara dl Südtirol ciara inant da ciafé sö le numer dles porsones che s’á taché le Coronavirus. Chiló dessot ciafëise i dac ajorná incö dadoman (7 de ma): ti laboratori él gnü ejaminé tles ultimes 24 ores 863 tesć, pro de chisc é le resultat sté positif. Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun n resultat dl test dl Coronavirus positif 2.552.

Indöt él gnü fat cina sëgn tla provinzia dal’Aziënda sanitara 47.091 tesć a 21.284 porsones.

Porsones te ospedal

Al é indöt 94 paziënc Covid-19 tles repartiziuns normales di set ospedai dl’Aziënda sanitara, tles cliniches convenizonades y tla basa logistica dles forzes armades arjignada ca aposta a Gossensaß. 42 porsones assistides tles strotöres dl’Aziënda sanitara dl Südtirol é caji sospec. Al é 7 porsones tles repartiziuns de terapia intensiva. Atualmënter él 2 porsones te repartiziuns de terapia intensiva a Desproch, do che dui paziënc ne é nia plü te terapia intensiva y gnüs trasferis tl Südtirol.

Caji de mort

Sciöche dantier ince inier ne él gnü registré degun caje de mort. Ti ospedai él mort 171 porsones porvia dl Covid-19. 115 porsones é mortes tles ciases de palsa. Indöt él mort 286 porsones tl Südtirol porvia dl Covid-19.

Porsones en carantena

1.178 porsones é sëgn te carantena obligatoria o isolamënt a ciasa.  8.934 porsones á bele stlüt jö la carantena y l’isolamënt a ciasa. Cina sëgn ti él gnü scrit dant a 10.112 porsones da sté te carantena.

Porsones varides

1.715 porsones é varides dal Covid-19 (37 implü da inier). Implü vëgnel lapró 627 porsones (14 implü da inier) che á albü n resultat dl test nia tler y che á spo albü dui iadi dedo n resultat negatif. Soma totala 2.342 (51 implü da inier).

I operadus dl’Aziënda sanitara cun test positif é 233, 192 de chisc é varis. Plü 12 doturs de medejina generala (düc varis) y dui doturs di mituns de lita lëdia (trami dui varis).

I numeri en cört:

tesć fac inier (6 de ma): 863

tesć positifs cina incö dadoman: 9

numer complessif di tesć fac: 47.091

numer dles porsones sotmetüdes al test: 21.284

numer dles porsones cun resultat dl test positif: 2.552

paziënc Covid-19 tles repartiziuns de ospedal normales, tles cliniches convenzionades y a Gossensaß: 94

numer de paziënc Covid-19 te repartiziuns de terapia intensiva: 7

numer de paziënc Covid-19 te repartiziuns de terapia intensiva forestes: 2

caji sospec: 42

porsones mortes ti ospedai dl’Aziënda sanitara: 171

porsones mortes tles ciases de palsa: 115

porsones mortes indöt (cun lapró les ciases de palsa): 286

porsones te isolamënt a ciasa: 1.178

porsones che á stlüt jö la carantena y l’isolamënt a ciasa: 8.934

porsones dötadöm atocades da mosöres de carantena obligatoria o isolamënt a ciasa: 10.112

porsones varides: 1.715 (37 implü). implü röiel lapró 627 porsones (14 implü da inier) che do da n test nia tler á spo fat dui tesć cun resultat negatif.

porsones varides dötadöm: 2.342 (51 implü)

colaboradus dl’Aziënda sanitara cun test positif: 233 (192 de chisc varis)

doturs de medejina generala y doturs di mituns de lîta lëdia positifs: 14 (düc varis)

USP/asds

Galaria dales fotografies