Atualità

Covid-19: 2.507 porsones positives, 1.388 porsones varides

L'Aziënda sanitara dl Südtirol comunichëia i dac ajorná a livel provinzial sön la situaziun dl'epidemia da Covid-19.

Indöt él 2.507 porsones positives al Coronavirus tl Südtirol (Foto: Pexels)

L’Aziënda sanitara dl Südtirol ciara inant da ciafé sö le numer dles porsones che s’á taché le Coronavirus. Chiló dessot ciafëise i dac ajorná incö dadoman (29 d’aurí): ti laboratori él gnü ejaminé tles ultimes 24 ores 1.088 tesć, pro de chisc é le resultat sté positif. Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun n resultat dl test dl Coronavirus positif 2.507.

Indöt él gnü fat cina sëgn tla provinzia dal’Aziënda sanitara 40.218 tesć a 18.844 porsones.

Al é indöt 191 paziënc Covid-19 (ajuntá ince i paziënc dla Clinia S.Anna da Maran) tles repartiziuns normales di set ospedai dl’Aziënda sanitara, tles cliniches convenizonades y tla basa logistica dles forzes armades arjignada ca aposta a Gossensaß. 35 porsones assistides tles strotöres dl’Aziënda sanitara dl Südtirol é caji sospec.

Al é 10 porsones tles repartiziuns de terapia intensiva. Atualmënter él 4 porsones te repartiziuns de terapia intensiva tl’Austria.

Ti ospedai él mort 167 porsones porvia dl Covid-19. 107 porsones é mortes tles ciases de palsa. Indöt él mort 274 porsones tl Südtirol porvia dl Covid-19.

1.862 porsones é sëgn te carantena obligatoria o isolamënt a ciasa.  7.890 porsones á bele stlüt jö la carantena y l’isolamënt a ciasa. Cina sëgn ti él gnü scrit dant a 9.752 porsones da sté te carantena.

I operadus dl’Aziënda sanitara cun test positif é 231, 166 de chisc é varis. Plü 12 doturs de medejina generala (11 de chisc é varis) y dui doturs di mituns de lita lëdia (trami dui varis).

1.388 porsones é varides dal Covid-19 (72 implü da inier). Implü vëgnel lapró 496 porsones che á albü n resultat dl test nia tler y che á spo albü dui iadi dedo n resultat negatif. Soma totala 1.884 ( 100 implü da inier).

I numeri en cört:

tesć fac inier (28 d‘aurí): 1.088

tesć positifs cina incö dadoman: 9

numer complessif di tesć fac: 40.218

numer dles porsones sotmetüdes al test: 18.844

numer dles porsones cun resultat dl test positif: 2.507

paziënc Covid-19 tles repartiziuns de ospedal normales, tles cliniches convenzionades y a Gossensaß: 191 paziënc Covid-19 (ajuntá ince i paziënc dla Clinia S.Anna da Maran)

numer de paziënc Covid-19 te repartiziuns de terapia intensiva: 10

numer de paziënc Covid-19 te repartiziuns de terapia intensiva forestes: 4

caji sospec: 35

porsones mortes ti ospedai dl’Aziënda sanitara: 167

porsones mortes tles ciases de palsa: 107

porsones mortes indöt (cun lapró les ciases de palsa): 274

porsones te isolamënt a ciasa: 1.862

porsones che á stlüt jö la carantena y l’isolamënt a ciasa: 7.890

porsones dötadöm atocades da mosöres de carantena obligatoria o isolamënt a ciasa: 9.752

porsones varides: 1.388 (72 implü). implü röiel lapró 496 porsones che do da n test nia tler á spo fat dui tesć cun resultat negatif.

porsones varides dötadöm: 1884 (100 implü)

colaboradus dl’Aziënda sanitara cun test positif: 231 (166 de chisc varis)

doturs de medejina generala y doturs di mituns de lîta lëdia positifs: 14 (13 de chisc varis)

USP/asds

Galaria dales fotografies