Atualità

Coronavirus: 1.522 porsones positives y 183 porsones varides

Al é gnü lascé alsavëi i dac dles porsones cun le Coronavirus – Covid 19: al momënt á 152 porsones le Coronavirus. 137 porsones é mortes y 183 é varides.

Coronavirus: 1.522 porsones positives y 183 porsones varides (Foto:CoronaVirusFreepik)

L’Aziënda sanitara dl Südtirol ciara inant da ciafé sö le numer dles porsones che s’á taché le Coronavirus. Chiló dessot ciafëise i dac ajorná incö dadoman (3 d’aurí): ti laboratori él gnü ejaminé tles ultimes 24 ores 1299 tesć, pro 79 de chisc é le resultat sté positif.

Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun n resultat dl test dl Coronavirus positif 1.522. Indöt él gnü fat cina sëgn tla provinzia dal’Aziënda sanitara 13.981 tesć a 7.541 porsones.

Al é indöt 245 paziënc Covid-19 tles repartiziuns normales di set ospedai dl’Aziënda sanitara y tla basa logistica dles forzes armades arjignada ca aposta a Gossensaß.24 porsones vëgn curades tla clinica Villa Melitta, 13 tla clinica Bonvicini a Balsan y 4 tla clinica S. Anna de Maran.

74 porsones assistides é caji sospec. Al é 51 porsones tles repartiziuns de terapia intensiva. Implü él 11 paziënc te repartiziuns de terapia intensiva tl’Austria (Reutte, Lienz, Hall, Innsbruck, Feldkirch) y tla Germania (Lipsia).

Ti ospedai él mort 93 porsones porvia dl Covid-19. 49 porsones é mortes tles ciases de palsa. Da chësc numer messel gní trat jö cin porsones che é mortes te ospedal. Indöt él mort 137 (93 + 44) porsones tl Südtirol porvia dl Covid-19.

3.291 porsones é sëgn te carantena obligatoria o isolamënt a ciasa. 2050 porsones á stlüt jö la carantena y l’isolamënt a ciasa.Cina sëgn ti él gnü scrit dant a 5.341 porsones da sté te carantena.

I operadus dl’Aziënda sanitara cun test positif é 164, plü 10 doturs de medejina generala y dui doturs di mituns de lîta lëdia. 183 porsones é varides dal Covid-19.

I numeri en cört:

tesć fac inier (2 d‘aurí): 1299

tesć positifs cina incö dadoman: 79

numer complessif di tesć fac: 13.981

numer dles porsones sotmetüdes al test: 7.541

numer dles porsones cun resultat dl test positif: 1.522

paziënc Covid-19 tles repartiziuns de ospedal normales y a Gossensaß: 245

numer de paziënc Covid-19 te repartiziuns de terapia intensiva: 51

numer de paziënc Covid-19 te repartiziuns de terapia intensiva forestes: 11

caji sospec: 74

porsones mortes ti ospedai dl’Aziënda sanitara: 93

porsones mortes indöt (cun lapró les ciases de palsa): 137

porsones en carantena obligatoria o isolamënt a ciasa: 5.341

porsones te isolamënt a ciasa: 3.291

porsones che á stlüt jö la carantena y l’isolamënt a ciasa: 2.050

porsones varides: 183

colaboradus dl’Aziënda sanitara cun test positif: 164

doturs de medejina generala y doturs di mituns de lîta lëdia positifs: 12

USP/asds

Galaria dales fotografies