Atualità

Coronavirus, 1.443 é les porsones positives, 165 chëres varides

L'Aziënda sanitara dl Südtirol y les 77 ciases de palsa tl Südtirol lascia alsavëi i ajornamënc por ci che reverda le numer de porsones cun le Coronavirus.

Indöt él gnü fat cina sëgn tla provinzia dal’Aziënda sanitara 12.682 tests a 7.082 porsones (Foto: pexels.com)

Ti laboratori dl’Aziënda sanitara provinziala vëgnel lauré zënza lascé do por ciafé sö le numer de porsones che s’á taché le Coronavirus. Tles ultimes 24 ores él gnü controlé 724 tests, pro 45 de chisc é le resultat sté positif.

Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun test dl Coronavirus positif 1.443.

Indöt él gnü fat cina sëgn tla provinzia dal’Aziënda sanitara 12.682 tests a 7.082 porsones.

Al é indöt 251 paziënc Covid-19 ti ospedai dla Provinzia y a Gossensaß (zënza sintoms o cun sintoms lisiers).22 porsones é te Villa Melitta y 4 tla clinica Bonvicini a Balsan.

Implü röiel pormez 75 caji sospec. 

Al é 54 porsones tles repartiziuns de terapia intensiva. Implü él 11 paziënc te repartiziuns de terapia intensiva tl’Austria (Reutte, Lienz, Hall, Innsbruck, Feldkirch) y tla Germania (Chemnitz). 

128 porsones é mortes porvia dl Covid-19,  84 caji de mort é gnüs registrá ti ospedai y 44 caji de mort é gnüs registrá tles ciases de palsa porvia dl Covid.19. 

3.205 porsones é sëgn te carantena obligatoria o isolamënt a ciasa.

1.961 porsones á stlüt jö la carantena y l’isolamënt a ciasa.

operadus dl’Aziënda sanitara cun test positif é 161, plü 10 doturs de medejina generala y dui doturs di mituns de lîta lëdia.

Al é ince jü sö le numer dles porsones varides dal Covid-19 che é incö 165.

En cört:

tests fac inier (1 de aurí): 724

tests positifs cina incö dadoman: 45

numer complessif di tests fac 12.682

numer dles porsones sotmetüdes al test: 7.082

numer dles porsones cun resultat dl test positif: 1.443

paziënc Covid-19 tles repartiziuns de ospedal normales y a Gossensaß: 251

numer de paziënc Covid-19 te repartiziuns de terapia intensiva: 54

numer de paziënc Covid-19 te repartiziuns de terapia intensiva forestes: 11

caji sospec: 75

porsones mortes ti ospedai: 84

porsones mortes tles ciases de palsa: 44

porsones mortes indöt: 128

porsones en carantena d oblianza o isolamënt a ciasa: 5.166

porsones te isolamënt a ciasa: 3.205

porsones che á stlüt jö la carantena y l’isolamënt a ciasa: 1.961

porsones varides: 165

colaboradus dl’Aziënda sanitara cun test positif: 161

doturs de medejina generala y doturs di mituns de lîta lëdia positifs: 12

USP/asds

Galaria dales fotografies