Atualità
29 de mei: Prejentazion dl liber sun "Hitler y la ëiles"
Le liber sun la urganisazion nazista “Bund Deutscher Mädel tl Tirol” unirà prejentà ai 29 de mei tla biblioteca provinziela Dr. Friedrich Teßmann a Bulsan.
Chësta prima monografia sun la urganisazion nazista Bund Deutscher Mädel tl Tirol nes dà na sëuraududa sun chësta urganisazion de jëunes y la nes tlarësc si mpurtanza y maniera de funzionamënt mustran coche vel’ ëiles à te chël tëmp pudù fé cariera tl Terzo Reich. L’autora Claudia Rauchegger-Fischer ti à cialà a 30 ntervista cun ëiles che fajova pert dl Bund Deutscher Mädel (BDM) y che à cuntà de si vita.
L’ativiteies dl’ëiles tirolejes tla urganisazion BDM (nia legala) y tla junëza de stat ne fova nchina ncuei nia unides studies. Te chësta nrescida vëniel mustrà su sibe la forza trajënta dl nazism sun la jëunes, sibe i mëudli de narazion, la logiches de lecurdanza y la strategies de elaburazion dl’ëiles che ie ncueicundì atempedes.
Prejentazion dl liber cun Mag.a Dr.a Claudia Rauchegger-Fischer, letëura per la didatica dla storia tl’università de Dispruch y tla Pedagogische Hochschule Tirol, nsenianta de storia y tudësch tl’AHS, culaburadëura de www.erinnern.at, autora de libri de scola.
Ntroduzion y cunversazion: Mag.a Dr.a Eva Pfanzelter, prufessëura assozieda tl Istitut de storia cuntemporera dla Università de Dispruch.
Prejentazion dl liber
ai 29 de mei 2019
dala 20:00
tla biblioteca provinziela Dr. Friedrich Teßmann
a Bulsan, Streda A.-Diaz 8.
SAN
