Atualità
Junta provinziala, pröm de de scora por le guern provinzial nü
Incö danmisdé él gnü a se le dé la pröma sentada dla Junta provinziala nöia tl Palaz Widmann a Balsan.
Pröma reuniun dla Junta provinziala nöia. Do la lita dl presidënt Arno Kompatscher, gnüda a se le dé ai 17 de jená, y de chëra di 3 vizepresidënc y di assessurs de ai 25 de jená, él l’esecutif nü de Palaz Widmann che s’á incunté pröm le pröm iade por na sentada ofiziala dla Junta. La incuntada á metü man, sciöche preodü dales 8.00 y al é gnü traté 38 punc söl ordin dl de. “Vignun á rajoné te so lingaz dla uma”, á dit Kompatscher portan dant ai rapresentanc di media les dezijiuns prinzipales dla Junta tratan la conferënza stampa tradizionala dales 12.30. Tles proscimes 4 edemes gnarál organisé na tlausöra de Junta por elaboré le program nia ma anual di proiec y provedimënc, mo ince por definí le laur dla Junta por ci che reverda proiec de dorada plü lungia”. Sön la plata facebook ofiziala dla Provinzia de Balsan él da ciafé la galaria dles fotografies dla pröma sentada dla Junta provinziala. Dessot él ince poscibl da desciarié le video te na ressoluziun alta.
Video dla pröma sentada dla Junta provinziala
USP
