Atualità

Concursc, bandida dla Provinzia por 10 colaboradus aministratifs

Concurs dla Provinzia por 10 posć de laur a tëmp indeterminé sciöche colaboradus aministratifs. Iscriziuns ala bandida cina ai 17 de dezëmber.

La Provinzia de Balsan chir personal. Te na manira particolara se tratel de 10 colaboradus aministratifs, cun na cualifica funzionala VI, cun contrac de laur a tëmp indeterminé sides a tëmp plëgn co ince a mez tëmp. I posć de laur é düc a Balsan. Al ne é preodü degöna resserva por i grups de lingaz. 7 di 10 posć é a tëmp plëgn cun 38 ores de laur al’edema y reverda la Repartiziun Laur (3 stieres), l’Ofize Paiamënc dl personal insegnant, le Sorvisc Stades, l’Agenzia Apalc y l’Ofize Organisaziun. I trëi posć che romagn sará cun n orar a mez tëmp, 2 prevëiga n contrat da 33 ores al’edema y reverda le Fonds sozial europeich y l’Ofize Ponsiuns dl personal insegnant.

La gradatöra ará na validité de 3 agn, por podëi tó pert al concurs él nezescira da avëi n diplom de maturité y l’atestat de bilinguism B2 (ex livel B) y l’ejam de ladin B2 (por i ladins). Les candidatöres pó gní presentades cina ales 12 de lönesc ai 17 de dezëmber al Ofize Assunziuns personal dla Provinzia tla strada via Renon 13 a Balsan. Por informaziuns plü monüdes prëibel contaté diretamënter l’ofize competënt (0471412115 - kathrin.defant@provincia.bz.it). Düc i detais pon ince lí do sön la plata internet che reverda i concursc sön le portal dl’Aministraziun personala ala misciun:

http://www.provincia.bz.it/amministrazione/personale/impiego-provinciale/concorsi/concorsi-personale-amministrativo.asp

 

USP