Atualità

#velessüdtirol18: Le resultat provisore ti Comuns ladins

La spartiziun dles usc de lista pro les lites provinziales dl 2018 ti Comuns ladins é definides. Pröm parti resta la SVP, Team Köllensperger röia al 12,7 %.

Ti ot Comuns ladins (Mareo, San Martin de Tor, La Val, Badia, Corvara, Sëlva, Santa Cristina, Urtijëi) é les usc cumpedades fora y le resultat provisore é danman. La “Südtiroler Volkspartei” é le parti che á ciafé le plü usc rovan al 60,6 % dles usc varëntes (6.751 usc). Indöt 1.410 usc á ciafé le Team Köllensperger rovan al 12,7 %. Le terzo parti plü lité ti Comuns ladins é stada la “Lega Nord” cun 1.181 usc y 10,6 %. Le parti di “Freiheitlichen” é rové al 5,0 porcënt (558 usc), la lista di “Verdi – Grüne – Vërc” é rová al 3,7 % (408 usc), la Südtiroler Freiheit á ciafé 261 usc che fej fora 2,3 %.

Porzentuales plü bases á ciafé le Movimento Cinque Stelle (1,7%), la Bürgerunion für Südtirol (1,4 %), le Partito Democratico – Demokratische Partei (0,6%), Noi per l’Alto Adige – Für Südtirol (0,4%), Forza Italia (0,4%), L’Alto Adige nel Cuore (0,2%), Vereinte Linke (0,2%) y Casapound Italia (0,2%).

Por de plü informaziuns prëibel consulté la plata internet: http://wahlen.provinz.bz.it/dlistvt_ll_d-1_vg.htm

 

 

USP