Atualità

Börsa dles idees por les families, presentaziun ai 3 de ma

Database online cun les mosöres por les families tl Südtirol. Ai 3 de ma gnarál presenté le proiet dla Börsa dles idees.

Le Südtirol á tröp da ti pité ales families: dales sperses por fá jüc ales sovenziuns economiches, cina ales scolines aziendales. Les ofertes é dër tröpes y vëgn ince anuzades dales families. Por realisé chësc proiet che vëgn presenté él sté de plü istituziuns che s‘á metü adöm: la Provinzia, i Comuns, les assoziaziuns y organisaziuns söl teritore y aziëndes privates. Tl proiet Börsa dles idees, svilupé sön inciaria dl’Agenzia por la familia, vëgnel racoiü de plü scomenciadies por families te n database online. La Börsa dles idees gnará presentada

en jöbia, ai 3 de ma dl 2018

dales 10.00

tla sënta dl VKE

tla strada Macello 9 A,

a Balsan.

Al sará presënc l’assessuria provinziala por les families Waltraud Deeg, le diretur dla cooperativa Südtiroler Kinderdorf Heinz Senoner, la professuria de sciënzes soziales Susanne Elsen, l’ombolt da San Martin de Tor, Giorgio Costabiei y Eduard Huber, diretur dla Cassa Raiffeisen dl Überetsch.

USP