Atualità
Scora alta: 90 stipendiums por n ann de stüde foradecá
La Junta regionala á aprové la metüda a desposiziun de 408.000 euro por 90 stipendiums por scolars dla scora alta che fajará n esperiënza de stüde foradecá.
Sön proposta dl vizepresidënt á la Junta provinziala aprové incö ai 24 de jené la metüda a desposiziun de 408.000 euro por 90 stipendiums che ti dará la poscibilité ai scolars y ales scolares dles scores altes da fá na perioda de stüde foradecá tratan l’ann scolastich 2018/19. Al é preodü convenziuns cun strotöres tl’Austria (Graz y Salzburg), ti Paisc todësc (Regensburg y Augsburg), tla Gran Bretagna (Bournemouth), tl’Irlanda (Cork), tla Spagna y Francia. I stipendiums podará gní adoré por curí les spëises por l’afit y le mangé, por les cutes scolastiches, ores de leziun ajuntives, adoranza dl’atrezadöra scolastica, coalboraziuns de suravijiun y de acompagnamënt scolastich.
USP
