Atualità

Kostner brom europeich, i complimënc dla Junta

Resultat ezelënt por Carolina Kostner. Medaia de brom ai Campionac europeics a Mosca. Complimënc da pert de Kompatscher y, Stocker.

Can che al mancia manco de n mëis ai Jüc olimpics da d'invern a Pyeongchang á Carolina Kostner arjunt n ater resultat ezelënt portan a ciasa na medaia nöia: ai Campionac Europeics dl jadiné artistich a Mosca á l'atleta ladina arjunt le terzo post do les atletes rusces Alina Zagitova y Evgenia Medvedeva. La jadinëssa ladina á insciö davagné spüa 11ejima medaia pro i Campionac europeics.

A inom dla Junta provinziala él le presidënt Arno Kompatscher y l'assessuria por le sport Martha Stocker che ti fej i complimënc „por n resultat straordinar de na campionëssa che é n simbol de costanza y de suzes de döt le Südtirol. Sü talënc y süa gran orenté, süa umilté y costanza, mo ince so amur por le sport dess ester de ejëmpl por dötes les jones y i jogn che vëgn docá“, sotlignëia Kompatscher y Stocker. Kostner á salpü da gní zoruch do na perioda dër ria y chësc ti dá ciamó plü valur a chësc resultat, insciö i rapresentanc dla Junta. 

USP