Atualità
200 posć por practicums dla Provinzia: domandes cina la fin de jená
La Provinzia mët a desposiziun 200 posć por studënc dles scores altes y dl’université. Les domandes pó gní presentades cina ai 31 de jená.
I practicums da d’isté é por tröc studënc le pröm contat cun le monn dl laur y porchël él la Provinzia de Balsan che mët a desposiziun ince por le 2016 indöt 200 posć por i scolars y studënc dles scores altes y profescionales, dl'Université y por i studënc che á stlüt jö da püch so percurs academich. Düc i interessá po presenté süa domanda cina les 12:00 ai 31 de jená dl 2018 pro l'Ofize Assunziuns Personal dla Repartiziun Personal dla Provinzia. Le practicum da d’isté vëgn paié cun na soma che vá dai 30 ai 50 euro brutto al de.
I criters de assegnaziun é desponibls sön la plata internet dla Repartiziun Personal dla Provinzia (www.provinzia.bz.it/personal). „Podëi ti dé n’odlada dal intern al’aministraziun publica y ales prozedöres aministratives é por i jogn dessigü interessant y pó ester n valur ajuntif ince por ci che reverda le curriculum“, sotlignëia l’assessuria provinziala por le personal Waltraud Deeg.
Por informaziuns plü monüdes prëibel contaté l’Ofize Assunziuns personal tla strada via Renon 13 a Balsan (0471 412118, Irene Egger, o 0471 412116, Tanja Nicolussi Rossi). Informaziuns él ince da ciafé sön internet tres la misciun http://www.provinzia.bz.it/la/sorvisc-a-z.asp?bnsv_svid=1004521
La gradatöra gnará spo publicada de merz chiló: http://www.provincia.bz.it/amministrazione/personale/impiego-provinciale/assunzione-graduatoria.asp
USP
