Atualità

Scores elementares ladines: Iscriziuns cina ai 19 de jená

Les iscriziuns ala pröma classa dla scora elementara por l’ann de scora 2018/2019 é da fá cina ala fin de jená dl 2018.

Les iscriziuns ala pröma classa dles scores elementares dles valades ladines por l’ann 2018/19 mëss gní fates cina ai 19 de jená dl 2018.

Al mëss gní scrit ite dötes les mitans y düc i mituns che complësc sis agn cina ai 31 de agost dl 2018. Implü él ince poscibl da scrí ite les mitans y i mituns ala pröma classa dla scora elementara, che fajará i sis agn cina ai 30 de aurí dl ann scolastich de referimënt.

Les iscriziuns spo ales classes do la pröma vëgn fates te na manira automatica. Les iscriziuns online é davertes dai 08 de jená cina ai 19 de jená dl 2018 por la pröma tlassa dla scora elementara de Gherdëna y Badia por l’ann de scora 2018/19.

Por plü informaziuns: http://www.reizivica.bz.it/la/sorvisc/sorvisc-categories.asp?utm_source=buergernetz&utm_medium=homeboxleft&utm_campaign=deutsch&bnsvf_svid=1029604

L’iscriziun pó ince ti gní menada ala scora competënta sön papier. Chiló se tratera da se tigní ai termins che la direziun scolastica competënta dá dant a livel raional. L’iscriziun ales atres classes dla scora elementara y ala scora mesana vëgn fata d’ofize.

Ince por l’iscriziun ala pröma classa dles scores elementares todësces y talianes vel i medemi termins y la medema prozedöra d’iscriziun.

USP