Atualità
Relief de Piffrader, ai 5 de novëmber gnarál impié l’ilominaziun
Instalaziun lominosa sön le relief de Piffrader sön le Palaz di Ofizi finanziars tla plaza dla Signoria a Balsan. Ai 5 de novëmber zerimonia cun n menüt de chit
"Deguni ne à l dërt de ulghé". Chësta frasa dla scrituria y filosofa todëscia naturalisada americana Hannah Arendt (1906 - 1975) sará da odëi dai 5 de novëmber inant sön la pert dancá dl Palaz di Ofizi finanziars tla plaza dla Signoria a Balsan. Sciöche al á recordé le presidënt dla Provinzia Arno Kompatscher, che sará presënt ala zerimonia de ilominaziun dl’istalaziun, “é le messëi olghé nia n valur assolut, mo che mëss lascé lerch a valurs plü alc sciöche l’umanité, la liberté y la democrazia. Cun chësta istalaziun sará le monumënt fascist n avertimënt che nes invita da ponsé do sön le percurs che á porté ala creaziun de regims totalitars”.
La frasa, che sará da odëi por todësch, talian y ladin, fej pert dla istalaziun artistica de elaboraziun storica dl relief dl scoltur Hans Piffrader che mostra le ditatur Benito Mussolini a ciaval. L’istalaziun gnará ilominada por le pröm iade cun n menüt de chit
en domënia ai 5 de novëmber dl 2017
dales 17
tla plaza dla Signoria
a Balsan.
USP
