Atualità
Kompatscher y Alfano: colaboraziun sön i muciadus y autonomia
Laur de grup sön i muciadus, colaboraziun strënta por le svilup dl’autonomia: chisc i temesc dl’incuntada danter le presidënt Kompatscher cun le minister Alfano
Ince les chestiuns che reverda i movimënc di muciadus y le svilup dl’autonomia südtiroleja é stades tl zënter dl’incuntada istituzionala tl Palaz Widmann danter le presidënt dla Provinzia Arno Kompatscher y le minister por i afars cun l’ester Angelino Alfano. “Por merit dles incuntades devalies che i ún albü a Roma y tl Südtirol cun le minister Alfano sunse stá bugn da superé les dificoltés coliades ala costruziun de barieres sön le Prener.” Kompatscher á recordé “l’impëgn costant cun le Minister dl’intern da denant por garantí sön le Prener na gestiun calma di controi, sciöche ara vëgn a se le dé dötaurela. I rengrazi le minister Alfano por le bun laur de scuadra.” Trami dui é stá a öna che la situaziun sön le Prener “é sot a control ince deache la colaboraziun danter la Talia y l’Austria funzionëia. L’impëgn é chël da jí inant por garantí la segurëza.”
Da süa pert á le Minister Alfano dit da ester reconescënt “por l’acoliënza ciafada tl Südtirol y por le laur fat adöm. I messun constaté l’efiziënza dl impëgn por garantí la gestiun efiziënta sön i confins. Le mür sön le Prener ne é nia gnü fat sö.” Le minister Alfano á spo ince baié dl svilup tl Südtirol te n contest europeich, che é gnü tematisé te na seria d’incuntades a Roma, olache Kompatscher á aprofondí “la nezescité importanta por le dagní dl Südtirol, portan inant les ghiranzes importantes cun costanza.” Sön chësta tematica él ince gnü a se le dé na debatüda cun le Govern, á dit inant Alfano, “y al é gnü costruí de buniscimes relaziuns istituzionales che á porté te chisc agn á resultac conrec por le teritore.”
Imajes incuntada y video
https://we.tl/c3VBBj75p8
Intervista Kompatscher - https://we.tl/i3qy6QS82X
Intervento ministro Alfano - https://we.tl/CVtYiLoGvr
FILE MP3 - ma AUDIO - https://we.tl/XwTOx2ws7k
USP
Galaria dales fotografies
