Atualità

Le portal dles vacanzes é sëgn online

Le portal nü cun dötes les propostes por les vacanzes da d’isté por mituns y mitans y jogn y jones é sëgn online.

Insciö ciara fora le portal nü dles vacanzes

Sön la plata internet dla Provinzia www.provincia.bz.it/vacanze pó düc i anuzadus y dötes les anuzadësses ciafé le portal nü dles vacanzes. Ne savëise nia ci chirí fora danter na roda cun la n la roda, n curs de pitöra o de lingac o n iade de n de te na cité? Chiló pón ciafé dötes les propostes da d’isté ponsades por i mituns y les mitans y la jonëza. Le bel dl portal, che é gnü renové deplëgn, é la banca dac dër ajornada olache an pó fá inrescides aladô dla data, dles classes d’eté di mituns y dles mitans, dla sort de proposta y dl’ënt organisadú. “La plata nöia pita la poscibilité da odëi debota dötes les propostes por l’assistënza da d’isté, che vëgn realisada cun le finanziamënt dla Provinzia y desmostra da ester d’öga por les families”, dij l’assessuria Waltraud Deeg.

“La cualité dles ofertes pitades sön chësta plata te dui lingac – vá inant l’assessur por les scores todësces Philipp Achammer – mostra l’impëgn dles organisaziuns y dl sorvisc por öa jonëza por jí adincuntra ai bojëgns di mituns y dles mitans y dla jonëza”. Le portal nü, sciöche dötes les plates internet nöies dla Provinzia, é programé cun le design responsive, chël ó dí che an pó ti ciaré anfat tan gran che le disply é, ci ressoluziun che le laptop o le computer, le tablet y le smartphone á.

USP

Galaria dales fotografies