Atualità
Coronavirus: dac ajurnei sun la situazion Covid-19 tl Südtirol
L’Azienda sanitera dla provinzia de Bulsan lascia al savëi i dac ajurnei n cont dl’epidemia. Leprò ie nce i dac che reverda la cëses de paussa comunichei dala Unità de crisa.
Nchin a ncuei da duman (27 de merz) y inier dut l di iel unì valutà 776 tests (tampons), 93 de chisc ie resultei positifs. Sun la basa de chisc dac, comunichei dal’Azienda sanitera dl Südtirol, ie l numer dla persones positives al test dl Coronavirus de 1003. De ndut iel nchin ncuei unit fat, a livel provinziel, dal’Azienda sanitera 8.520 tampons sun 5.215 persones.
Ti reparc normai di set spediei dl’Azienda sanitera vëniel curà 214 pazienc Covid-19 pra chëi che l vën mo leprò 71 caji suspec. L ie 47 la persones curedes ti reparc de terapia intensiva. L numer di morc liei al Covid-19 ie de 60 persones.
3.669 persones ie tl mumënt n carantena ublienta. I operadëures dl’Azienda sanitera positifs al test dl Coronavirus ie 118. Pra chisc ruvel mo leprò 10 dutores de medejina generela y 2 dutores per mutons de basa. La cumpëida ie de ndut de de 130 persones.
Nce l numer dla persones varides ie avanà: nchin a ncuei iel 64 persones.
I numeri n curt:
tests fac danter inier y ncuei da duman (27 de merz): 776
tests positifs nchin a ncuei da duman: 93
numer de tests fac de ndut: 8.520
numer dla persones sometudes al test: 5.215
numer dla persones positives al Coronavirus: 1.003
pazienc Covid-19 curei ti reparc normai di spediei: 214
numer di pazienc Covid-19 ti reparc de terapia intensiva: 47
caji supec: 71
morc danter inier y ncuei da duman: 7
morc de ndut: 60
persones n carantena ublienta: 3.669
persones varides: 64
culaboradëures dl’Azienda sanitera positifs al test: 118
dutores de medejina generela y dutores per mutons positifs: 12
Situazion tla cëses de paussa (ajurnamënt da sëira di 25 merz)
Tlo i dac dla persones resultedes positives te 45 dla 77 cëses de paussa provinzieles comunichei ala Unità de crisa aposta ajurneda nsëira (26 de merz):
Residënc tla cëses de paussa riesultei positifs al test Covid-19: 96 tla strutures + 8 te spedel (a cunfront cun i 24 de merz: 94 + 6)
Residënc tla cëses de paussa te ijulamënt: 276 (a cunfront cun i 24 de merz: 278)
Residenti deceduti: 10 (a cunfront cun i 24 de merz: 9)
Operadëures saniteres positifs al test: 55 (a cunfront cun i 24 de merz: 57)
USP/asds
