Atualità

Lita di posć tla scora ladina: En döt 8 posć de rode assegná

Ai 6 d’agost s’á tigní la lita di posć tla Direziun provinziala Scolines y scores ladines. Por le ann scolastich 2019/2020 á podü gní dé ia en döt 8 posć de rode.

Por le proscim ann scolastich á podü gní dé ia 5 posć de rode tla scora elementara, 1 post de rode tla scora mesana e 2 posć de rode tla scora alta.

I 5 posć de rode tla scora elementara é distribuís insciö: 3 posć é gnüs assegná ala Direziun raionala de Sëlva, 1 post ala Direziun de Badia y 1 post ala Direziun d’Al Plan. Por ci che reverda les scores secondares de pröm y secundo grado, él gnü asigné n post de rode ala scora mesana de Urtijëi. Dui di trëi posć de rode por la scora secondara é jüs al Istitut Tecnich Economic y le Lizeum d’ert de Urtijëi.

"Le fin dla Direziun provinziala Scolines y Scores ladines é chëra de stabilisé cun contrac a tëmp indeterminé le majer numer poscibl di posć a desposiziun", dij l’intendënta Edith Ploner.

USP