Atualità
Scolines ladines: De plü iscriziuns por l’ann 2019/20
Tl ann de scolina 2019/20 sarál indöt 756 mitans y mituns che jará te öna dles 17 scolines ladines. La Junta á stabilí da püch le numer dl personal pedagogich.
Ince tl ann de scolina 2019/20 restará le numer anfat al ann passé cun 17 scolines y 36 seziuns. La Junta provinziala á stabilí te süa sentada di 2 de aurí le numer provisore de 87 maestres y colaboradësses pedagogiches. Les maestres che dá na man, canche al vá debojëgn porvia de assënzes cörtes, é 3 a tëmp plëgn sciöche l'ann passé.
Indöt s’ál scrit ite al ann de scolina 2019/20 756 mitans y mituns, chël ó dí che al é sté n aumënt de 32 en confrunt al ann passé che corespogn al 5 porcënt implü. Ti ultims dui agn é les iscriziuns jüdes sö dl 10 porcënt. La deliberaziun é gnüda aprovada dala Junta por podëi garantí la prozedöra de surandada di posć.
USP
