Atualità
Scores de musiga: düc i contignüs sön n portal nü
Te na plata internet nöia él coiü adöm düc i contignüs por ci che reverda l’oferta musicala dles scores de musiga ladines, todësces y talianes.
https://musikschulen.provinz.bz.it/default.asp y https://scuole-musica.provincia.bz.it/default.asp é les döes misciuns nöies.
La verjiun nöia dla plata internet dles scores de musiga ladines, todësces y talianes pita na suravijiun sön dötes les ofertes metüdes a desposiziun te chësc setur. Insciö ne él nia ma poscibl da ciafé na panoramica sön i stromënc y i insegnamënc preodüs mo ince dles scores y dl personal insegnant. Vignöna dles scores de musiga dl Südtirol pita na suraodüda sön i orars de daurida, les manifestaziuns, i termins y les noeles plü atuales. Al é ince gnü cherié n ciamp aposta por la musiga popolara. Na banca dac zentrala alisirëia la chirida do personal insegnant.
Le portal internet nü dles scores de musiga fej pert dl renovamënt dles plates internet de döta l’aministraziun provinziala. I contignüs é insciö danman te na forma adatada por computers y fonins cun n motor d’archirida nü. La plata internet nöia é gnüda realisada en colaboraziun danter les scores de musiga adöm cun la SIAG (Informatica Südtirol) y la Repartiziun Informatica.
Por de plü informaziuns: https://musikschulen.provinz.bz.it/default.asp
USP
