Atualità

Personal, seleziun nöia cun na perioda de pratica

Bandida por 5 posć por ispeturies/ispeturs aministratifs pro l’Agenzia apalc cun na prozedöra nöia: dan dal’assunziun él preodü na perioda de pratica.

Porsones che á stlüt jö cun na laurea trienala o de cater agn  y che á l’atestat de bilinguism C1 y de trilinguism C1 pó se candidé por partezipé al concurs publich por 5 posć da ispeturs aministratif pro l’Agenzia apalc dla Provinzia. La bandida é resservada ai grups de lingaz todësch y ladin y al gnará a se le dé na prozedöra de seleziun. Al se trata de n concurs cun valutaziun dla pröma perioda de laur.

En pratica ti gnarál damané ales candidates y ai candidac che é rová ai pröms cinch posć da efetué n percurs de valutaziun söl post d laur. Ai ciafará insciö n contrat a tëmp determiné por 5 mëisc, tratan chi che ai messará desmostré sües capazités pratiches. Te chësta fasa gnará les candidates y i candidac ince acompagná da n tutor che dará jö n arat dl percurs fat. Sce la prozedöra gnará stlüta jö te na manira positiva spo ciafará les davagnadësses/i davagnadus n contrat a tëmp indeterminé.

Les candidatöres pó gní presentades cina ai 8 de forá dl 2019 (cina les 12.00) tres email o tres le account de posta eletronica zertificada PEC. Por plü detais prëibel consulté la plata internet cun la bandida de concurs sot a: http://www.provincia.bz.it/amministrazione/personale/impiego-provinciale/concorsi/concorsi-personale-amministrativo.asp

Por informaziuns plü monüdes pon ince contaté le Ofize Assunziuns personal (Sabine.Hanni@provincia.bz.it - 0471 412147).

 

USP