Atualità
Lites provinziales: Partezipaziun ales lites dales 11.00 19,7%
19,7 % di litadus dl Südtirol s'á anuzé dl danmisdé por dé jö süa usc dales lites provinziales 2018, 2,7 punc porcentuai demanco co dl 2013.
Dales ultimes lites provinziales dl 2013 â lité le 22,4 % di litadus cina les 11.00, chësc ann s’á anuzé le 19,7% di litadus cina les 11 de so dërt da lité, chël ó dí 2,8 punc porcentuai demanco. Incö danmisdé é 75.241 zitadins jüs a lité. Dl 2013 nen êl sté 83.381.
Por ci che reverda i raiuns él cina sëgn sté i litadus dl raiun Salten – Scilier i plü lezitënc cun le 21,9%. Le manco litadus él jü a lité a Balsan cun le 17,7 % (2013: 19,6 %).
Por ci reverda i comuns ê dales 11.00 Prettau al pröm post cun na partezipaziun ales lites dl 26,7 %. Dan da 5 agn ê i litadus de Pruca al pröm post cun le 32,8%. Le manco litadus s'á presenté a lité danmisdé a Pfitsch y plü avisa le 11,3 % dles porsones cun le dërt da lité.
Sciöche a Balsan é ince ti atri gragn comuns la partezipaziun cina les 11.00 stada bassa: a Maran dl 17,4 % (2013: 20,2 %), a Porsenú dl 20,9 % (23,2 %), a Bornech dl 19,1 % (26,4 %) y a Leifers dl 21,9 % (17,5 %).
Ti Comuns ladins á le 20,7 % di litadus lité cina les 11.00. Dan da cin agn êl sté le 23,6% che s’â anuzé de so dërt da lité cina les 11.00.
Les porsones interessades pó ti ciaré sön la plata web dla Zentrala dles lites lites.provinzia.bz.it ai dac sön la partezipaziun ales lites, sciöche ince insnët ai dac sön la cumpëda dles usc. I dac gnará ajorná ince de nöt tres i social-media-accounts Twitter y Facebook. Le hashtag #velessüdtirol18 pó ester d'öga da chirí informaziuns.
LINK Video Seziuns litales
https://we.tl/t-JyCtPui24k
USP
Galaria dales fotografies
