Atualità
Maran incunta la Ladinia: le program é online
Al é online le program dla linia de manifestaziuns "Maran incunta la Ladinia". La daurida sará ai 24 de setëmber tl Pavillon des Fleurs a Maran.
Aladô dl moto "Maran incunta la Ladinia" gnarál tigní dai 24 de setëmber ai 7 de otober tla cité de Maran döes edemes de evënc por promöie la conescënza dl lingaz y dla cultura ladina. Le program tol ite mostres, cursc de lingaz, letöres, films y spetacui che gnará tignis n pü' te döta la cité. L’proiet vëgn metü a jì dal Departimënt scola y cultura ladina, adöm al Comun de Maran, al`Istitut ladin “Micurà de Rü” y al Museum Ladin Cistel de Tor.
Les Edemes culturales ladines gnará inaugurades ofizialmënter en lönesc, ai 24 de setëmber dales 19.00 tl Pavillon des Fleurs cun la presentaziun dl program detaié dla ligna de manifestaziuns y n excursus cört por ci che reverda les raisc ladines dla cité de Maran. L’introduziun gnará fata da Leander Moroder, diretur dl Istitut Ladin Micurá de Rü y dal antropologh cultural y sozial Johannes Ortner. L’acompagnamënt musical sará de Iaco Rigo & his ethnical project. L’entrada ala manifestaziun é debann.
Por informaziuns plö detaiades Ves prëii bel de ti ciaré al programm: http://www.provincia.bz.it/ntendenza-ladina/service/atualita-intendenza.asp?aktuelles_action=4&aktuelles_article_id=617703
USP
