Atualità
Racoiüda de fonguns, apel al respet dles regoles
Tl fin dl’edema él sté la staziun forestala che á albü de plü intervënc porvia dla violaziun dles normes sön la racoiüda de fonguns. Apel al respet dles regoles
Do n’isté dër cialt él gnü a se le dé n aumënt dles ploüdes acompagnades da temparatöres cialdines che é na condiziun ideala por la chersciüda de fongus, dantadöt de porcins ti bosć tl Südtirol. Tla Provinzia de Balsan é la racoiüda de fongus regolamentada sides por ci che reverda la cuantité co ince i dis de racoiüda y les autorisaziuns.
Implü tles zones sot a sconanza de paesaje y olache i proprietars á metü sö tofles aposta de proibiziun ne é la racoiüda consinitida te degun caje. Danter chëstes arees, regolamentades dal articul 3 dla lege provinziala dl 1991 él ince le raiun de “Kohlern/Colle” incër Balsan. Propi te chësta area él la forestala che á fat tl fin dl’edema passé de plü intervënc por la violaziun dles normes sön la racoiüda de fongus, cun n zitadin che é archité cun bëgn 10 kg de funguns.
Düc chi che é gnüs abiné cun fungus te zones proibides él gnü fat na straufunga aministrativa. “Adöm ala straufunga él ince preodü le secuester di fongus che ti vëgn scincá a ciasas de palsa, strotöres de seniors y mënses publiches”, spliga le comandant dla staziun forestala de Balsan. Düc i detais dla normativa te chësc setur é da ciafé sön le portal internet dla Provinzia dediché aposta ala tematica di bosć tla seziun desposiziun sön la racoiüda de funguns.
USP
