Atualità

Scolines ladines: Aprové le plann nü

Seziuns nöies a La Val y Al Plan y na seziun demanco a San Martin y San Ciascian prevëiga le plann nü dles seziuns dles scolines por l l’ann 2020/21.

Scoline ladines: la Junta á aprvoé le plann nü por le 2020/21 (Foto: Bernard Hermant/Unsplash)

Autalmënter él scrit ite por l’ann de scolina 2020/21 indöt 712 mitans y mituns tles 17 scolines dla Val Badia y de Gherdëna. La Junta provinziala á aprové incö ai 07 de aurí la proposta dl assessur por la scora y cultura ladina Daniel Alfreider por le plann cun les seziuns nöies. "Nosc compit é chël da definí les diretives, sön la basa de chëres che les mitans y i mituns pois se svilupé inant bun y por ti dé la poscibilité ales educadësses dla scolina da lauré bun," insciö Alfreider.

Sön la basa dles iscriziuns desvalies ti paisc él gnü tut la dezijiun da aumenté de na seziun les scolines a La Val y Al Plan y da avëi na seziun demanco a San Ciascian y San Martin. Tles altres scolines dla Ladinia ne él degönes mudaziuns.  

Implü él ince gnü confermé le numer di posć dles educadësses les  scolines ladines cun indöt 87 posć a tëmp plëgn por l’ann 2020/21 por maestres, maestres de integraziun y colaboradësses pedagogiches cun en ajunta de trëi posc fora de organich por les adoré sciöche  jorëntes por suplënzes.

USP/rc

Galaria dales fotografies