Atualità
Coronavirus: Informaziuns ince por ladin
La plata internet dla Proteziun zivila sön le Coronavirus nü á albü cina sëgn prësc un n miliun de azesc. Informaziuns por ladin, todësch y talian
Informaziuns da fontanes sigüdes y zertificades é de gran importanza te situaziuns de emergënza: porchël él la Proteziun zivila che mët a desposiziun adöm al’Aziënda sanitara dl Südtirol informaziuns por ladin, todësch y talian. Sön la plata internet che reverda le Coronavirus nü (www.provinzia.bz.it/coronavirus) arjignada ca aposta, al él insciö da ciafé les regoles d’igiena por se stravardé dal’infeziun, i dac atuai sön le Coronavirus nü tl Südtirol, y te na seziun aposta él ince informaziuns sön la maratia dl Coronavirus te n lingaz saurí.
Por ti splighé les mosöres cuntra le Coronavirus ales mitans y ai mituns él ince gnü fat n video dal’Eurac research, realisé adöm ala Provinzia. Le video é ince gnü traslaté tl ladin. Le video mostra te na manira scëmpla y tlera dötes les informaziuns importantes söl Coronavirus por les mitans y i mituns. Al é da ciafé tlican chiló.
Implü él da ciafé dötes les ordinanzes y comunicaziuns, i documënc y le material informatif dla campagna cuntra le Coronavirus. Sön le medem sit ciafon spo ince le documënt dla autozertificaziun por todësch y talian. La plata por ladin é gnüda realisada tl Ofize Chestiun linguistiches dla Provinzia adöm cun le sostëgn tecnich dla SIAG y dla Ajentöra de stampa dla Provinzia.
Tan importantes che les informaziuns sön les chestiuns desvalies dl Coronavirus é, desmostra ince i numeri sön i azesc ala plata internet che é gnüda vijitada 936.050 iadi da indöt 224.626 utënc. Por amplié l’azes ala plata internet gnarál ince lauré sön l’integraziun de contignüs tl lingaz di sëgns.
USP/USP
