Atualità

Scores secondares: Cursc de formaziun por l’abilitaziun al insegnamënt

La Direziun provinziala Scolines y scores ladines á metü da jí na prozedöra de seleziun por l'abilitaziun al insegnamënt te n valgönes materies tles scores secondares.

La Direziun provinziala Scolines y scores ladines á metü da jí na prozedöra de amisciun ai cursc de formaziun por ciafé l’abilitaziun al insegnamënt te n valgönes materies tles scores secondares dles localités ladines. I cursc vëgn tignis dala Faculté de Sciënzes de Formaziun dl'Université Lëdia da Balsan. La Faculté á süa sënta prinzipala a Porsenú. 

Insegnantes y insegnanc che á i recuisic d’azés pó mené la domanda de partizipaziun cina ai 19 de agost dl 2019 ala Direziun provinziala Scolines y scores ladines.

Dötes les informaziuns por ci che reverda la prozedöra é da ciafé sön la plata internet dla Direziun provinziala: http://www.provinz.bz.it/formaziun-lingac/scora-ladina/la/comunicac-scora-ladina.asp?news_action=4&news_article_id=628560

SAN