Atualità
Contribuc Cultura ladina: ancuntedes a Urtijëi y a Picolin
La Repartizion Cultura ladina lascia al savëi che la dumandes per n contribut provinziel per l’atività 2019 muessa unì dates ju nchina ai 31 de jené 2019.
Nce chëst ann ti vëniel pità ai zitadins y ala zitadines la puscibltà de dé ju la dumandes diretamënter tla valedes a n culaburadëur / na culaburadëura dl Ufize Cultura y Scola ladina.
Chësc servisc vën pità n merdi, ai 29 de jené 2019 dala 16.00 ala 18.00 tl Ufize Inovazion y consulënza (1 partimënt) dl zënter pedagogich a Picolin/Val Badia. Te Gherdëina vëniel pità l servisc tla sala de cunsëi dl chemun de Urtijëi, n mierculdi ai 30 de jené dala 16.00 ala 18.00.
La dumandes possa sambën nce unì mandedes nchina ai 31 de jené 2019 per posta o pec ala Provinzia Autonoma de Bulsan-Südtirol, Ufize Cultura y scola ladina 18.1, Bindergasse 29, 39100 Bulsan ( culturayintendenzaladina@pec.prov.bz.it). I formulers ie da abiné sun la plata internet http://www.provinzia.bz.it/ert-cultura/cultura/de/finanzielle-unterstuetzung.asp o diretamënter tl Ufize Cultura y scola ladina, Bindergasse 29, Bulsan, tel. 0471- 417020/21.Per nfurmazions plu a puntin sun la pusciblteies de suvenzion, pudëis ti scrì a Culturaladina@provinica.bz.it.
La dumandes de contribut per nvestimënc culturei, proiec culturei, ativiteies artistiches y per publicazions possa nce unì dates ju n chësta ucajion.
USP
