Atualità
Scolines ladines: Iscriziuns por l'ann de scolina 2019/2020
Dai 14 ai 18 de jenà dl 2018 sarál poscibl da fá les iscriziuns dles mitans y di mituns tles scolines dles valades ladines por l’ann de scolina 2019/20.
L’’Intendënza scolastica ladina lascia alsavëi che dai 14 ai 18 de jená dl 2018 sarál poscibl da fá les iscriziuns dles mitans y di mituns tles scolines dles valades ladines por l’ann de scolina 2019/20. Al vëgn aconsié da consulté la lista cun i orars de iscriziuns dles scolines desvalies (tla injunta), deache vigni seziun á orars desfarënc. Les iscriziuns por l’ann 2019/20 vëgn tutes sö diretamënter tles singules scolines.
Al pó se scrí ite dötes les mitans y düc i mituns che complësc i trëi agn tl mëis de forá dl 2020. Pro l’iscriziun él da se tó para le codesc fiscal dla möta o dl möt. Informaziuns plü monüdes che reverda l’iscriziun él i geniturs che po ciafé diretamënter tles scolines competëntes tl Comun de residënza, pro la sënta dla Direziun dles scolines Ladinia a Urtijëi (strada Roma 4, tel.: 0471 / 79 71 17) y pro la seziun destacada a Picolin (tel. 0474 / 52 41 17).
Por informaziuns plü monüdes: http://www.provinzia.bz.it/ntendenza-ladina/service/atualita-intendenza.asp?aktuelles_action=4&aktuelles_article_id=621161
USP
