Atualità
Ju dl Sela: Cater punc vëgn ressaná tl Comun de Sëlva
La Junta provinziala á dé pro ales carateristiches tecniches por ci che reverda le ressanamënt de cater punc che porta sön le Ju dl Sela.
Dötadöm dessel gní ressané cater punc sön la strada statala de Gherdëna tl Comun de Sëlva che porta tla direziun dl Ju de Sela. “I punc é scialdi strënc y al vá debojëgn de n ressanamënt, porchël él ince gnü aprové i intervënc”, á dit l’assessur por la mobilité Florian Mussner. La Junta provinziala á aprové sön süa proposta ai 11 de dezëmber les carateristiches tecniches por la scomenciadia. Tratan i laurs de ressanamënt dessel ince gní amplié la strada danter i punc. Indöt él preodü n investimënt de 1,073 miliuns de euro por la mosöra de metüda en segurëza.
USP
