Atualità
Lîtes provinziales: ordin di sëgns de lista sön i placac
Al é gnü trat fora l'ordin di sëgns de lista di partis sön i placac litai. Cina ai 4 de setëmber mëssel ester danman les listes dles candidates y di candidac.
Cina en mercui, 29 d'agost dales 17.00, él sté da dé jö i sëgns di partis o di grups politics interessá da tó pert ales proscimes lîtes provinziales che gnará tignides ai 21 d'otober. Dan da cin’ agn n'êl 19, chësc iade n'él gnü presenté y ametü 17 (dui cun resserva) dal Ofize lital zentral che é por le pröm iade gnü insedié tl Palais Widmann. Do che al é gnü stlüt ofizialmënter les operaziuns de deponüda di sëgns de lista él gnü trat fora publicamënter l'ordin aladô de chël che i 17 simboi gnará dant sön i placac litai; chisc gnará publicá sön la tofla ofiziala digitala dles plates web de vigni Comun dl Südtirol, sciöche ince sön le portal ofizial dles lîtes provinziales 2018. Chësc é l'ordin che é resulté dal'estraziun:
L'Alto Adige nel cuore
Verdi - Grüne - Verc
Die Freiheitlichen
Team Köllensperger
L'Alto Adige nel cuore Fratelli d'Italia uniti
SVP Südtiroler Volkspartei
Vereinte Linke Sinistra unita
Forza Italia
Süd-Tiroler Freiheit
MoVimento 5 Stelle
PD Partito Democratico - Demokratische Partei
Noi Alto Adige Südtirol
Bürgerunion für Südtirol
Verdi - Grüne - Verc - Sel
Casapound Italia
Lega Nord
Il popolo della famiglia
Le proscim vare é la presentaziun dles listes dles candidates y di candidac che mëss gní dades jö danter i 31 d'agost y i 4 de setëmber (cina les 12) tl Secretariat general dla Provinzia tl Palais Widmann; sön vigni lista pól ester da n minim de 12 cina alplü 35 inoms. Do che al é ince gnü stlüt jö chësta pert savarán por na sigüda ci listes che se presentará davëi ales lîtes proviziales; al gnará spo ciamó n iade trat ala niza por stabilí l'ordin di simboi sön les zetoles litales.
Info: lites.provinzia.bz.it
USP
