Atualità
Kompatscher incunta la Ministra Stefani, dialogh söl’autonomia
Le presidënt Kompatscher á incunté incö a Roma la ministra por i afars regionai Stefani por trajoné sön l’autonomia y sön la chestiun dl lu.
Adöm al presidënt dl Trentin, Ugo Rossi, á le presidënt dla Provinzia de Balsan, Arno Kompatscher, incunté incö ai 21 de jügn a Roma la Ministra por i afars regionai, Erika Stefani. “Al é sté na pröma incuntada, tratan chëra che al s’á mostré la orenté da orëi lauré adöm te n spirit de colaboraziun”, á dit Kompatscher. Danter les tematiches tratades él stada chëra dl renforzamënt dl’autonomia, “argomënt sön chël che la Ministra á desmostré da conësce la situaziun a funz rajonan ince de n ejëmpl positif por döta la Talia”, insciö Kompatscher.
Por ci che reverda chestiuns de prescia á Kompatscher y Rossi porté dant l’adoranza di avanc de aministraziun da pert dles Provinzies y ince la chestiun dl lu y dla laurs. “I un informé la Ministra che sides Trënt y Balsan é drio da fá na lege. La ministra á desmostré la orenté da orëi aprofondí la chestiun y da dialoghé te na manira costrutiva y de colaboraziun”, stlüj jö Kompatscher.
USP
